Bıyl Baıanaýyl aýdanyndaǵy Birlik, Qundykól aýyldary baǵdarlamaǵa enip, jergilikti turǵyndar jobanyń sharapatyn sezindi. Aýdan ákimi Ardaq Kisentaevtiń aıtýynsha, Qundykól aýylynda jalpy quny 422,6 mln teńgege úsh joba iske asyryldy. Ondaǵy mádenıet úıine kúrdeli jóndeý júrgizilip, jaqynda saltanatty túrde qaıta ashyldy. Joba quny – 155,4 mln teńge.
«Aýyl – el besigi» shyn máninde aýyldardy ınfraqurylymdyq turǵydan túletýdiń mańyzdy tetigine aınalyp otyr. Qundykóldegi mádenıet úıi turǵyndarǵa rýhanı ári demalys orny bolmaq. Jergilikti halyqtyń keleli máseleleri talqylanyp, jastar men eresekter kitap oqyp tynyǵatyn jaıly oryn paıda boldy. Odan bólek, aýylishilik 3,5 shaqyrym jolǵa kúrdeli jóndeý júrgizildi. Asfalt tóselgen kósheler jaryqtanyp, aýyldyń sáni kirdi. 6,3 shaqyrym kóshe jaryǵy ornatylyp, turǵyndardyń qaýipsizdigi arta tústi. Sondaı-aq, Álkeı Marǵulan atyndaǵy mektepke kúrdeli jóndeý jasalyp, oqýshylardyń sapaly bilim alýyna jol ashty», deıdi Ardaq Ánýarbekuly.
Aýyldy damytýǵa baǵyttalǵan baǵdarlamanyń jemisin Birlik aýylynyń halqy da kórdi. Munda jalpy quny 328,4 mln teńgege eki joba qolǵa alyndy. Mádenıet úıine kúrdeli jóndeý júrgizilse, aýylishilik 6 shaqyrym jol ortasha jóndeldi.
Pavlodar oblysy,
Baıanaýyl aýdany
