Túrkitildes elderdiń teatr festıvali

Eki jylda bir ótetin bul festıval elimizdiń ǵana emes, búkil Orta­lyq Azııa óńiriniń rýhanı, má­denı ómirindegi eleýli oqıǵa. 6-11 qa­rasha aralyǵynda, ıaǵnı 5 kún boıy Túr­kııa, О́zbekstan, Qyr­ǵyzstan, Ázerbaıjan, Tatar­stan men elimizdiń tańdaýly teatr­lary Shymqalada óner kórsetip, sheberlikterin shyńdap, tájirıbe almasady.

Is-shara Mádenıet jáne aq­parat mınıstrligi men Shym­kent qalasy ákimdiginiń qol­da­­ýy­men ótip jatyr. Al fes­tı­­val­dy uıymdastyrýǵa tike­leı at­salysqan – M.Áýezov atyn­daǵy qazaq ulttyq drama teatry.­ Osy toqsan bes jyl­dyq tor­qaly toıdyń aıasynda mega­polıs­tiń ónersúıer qa­ýymy Ázer­baı­jan memlekettik aka­de­mııa­lyq mýzykalyq teatry, О́zbekstan «Dıı­dor» memlekettik jastar eks­perımentaldy teatr-stýdııasy, Ǵ.Músirepov atyndaǵy Qazaq mem­lekettik akademııalyq bala­lar men jasóspirimder teatry,­ Qyrǵyz­­stan memlekettik «Ýchýr» jastar ­teatry, Berdaq atyndaǵy Qaraqalpaq memlekettik akade­mııalyq mýzy­kalyq teatry, Túrkııanyń Ala­nııa qalalyq teatry, Samarqand oblystyq mýzykalyq drama teatry­ men Ǵabdolla Toqaı atyndaǵy «Átná» memlekettik tatar drama teatry sahnalaǵan qoıylymdardy tamashalaı alady.

Joǵaryda aıtqanymyzdaı, baýyrlas, túrkitildes elderden kelgen óner ujymdary 6-11 qarasha kúnderi J.Shanın atyndaǵy aka­demııalyq Qazaq drama teatry men Shymkent qalalyq orys drama teatrynyń sahna­larynda S.Qasymbektiń «At­jal­man ǵasyr», Sh.Aıtmatovtyń «Betpe-bet», H.Nııazıdiń «Saı­qy­mazaqtar oıyny», P.Se­ııd­lıdiń «Kıllerden telegram», Ǵ.Músirepovtiń «Ulpan», Sh.Aıt­matovtyń «Lývr úıregi», E.He­mıngýeıdiń «Shal men teńiz», Á.Na­ýaıdiń «Láıli-Májnún», sondaı-aq A.Gılıazovanyń «Qar as­tyndaǵy qaınar bulaq» týyn­dylary kórermen nazaryna usy­nylady.

Festıvalǵa shaqyrylǵan qo­naqtar arasynda teatr, kıno óneriniń maıtalmandary Asa­náli Áshimov pen Tuńǵysh­­baı Ja­manqulovtar qyzyl kilem­­niń ústimen júrip, ult teatry­nyń negizin salýshy arystardyń biri Jumat Shanın­niń eskertkishi­ne gúl shoqtaryn qoıyp, aıtýly is-sharanyń ma­ńyzdylyǵy men teatrdyń adamzat rýhanııa­tyn­daǵy alatyn orny týraly tebirene sóz qozǵady. Sondaı-aq Shymkent qalasynyń ákimi Ǵabıt Syzdyqbekov qut­tyqtaý sózinde túrkitildes ha­lyqtar arasyndaǵy mádenı baı­lanystyń nyǵaıýyna festıval­dyń berer paıdasy mol ekenin jetkizdi.

«Qurmetti ónersúıer qa­ýym, barshańyzdy Shanın atyn­daǵy akademııalyq qazaq drama teatry­nyń 95 jyldyǵy­men qut­tyq­taı­myn. Toqsan bes jyl­da túrli ke­zeń­derdi bas­tan ót­kergen qala­lyq teatr búginde me­gapolıstiń eń ­asyl qazynaly mádenı oshaq­tary­nyń birine aınalyp otyr. Teatr jas urpaqtyń bo­ıyna ulttyq qun­dylyqty sińirý, tarıhı sana­ny jańǵyrtý baǵytynda óte ma­ńyzdy qyzmet atqaryp keledi. Biz Alash ardaqtysy Júsipbek Aımaýytulynyń osy shaharda qyzmet etip, qalalyq teatr­dyń irgesin qalaǵan alǵashqy tul­ǵa­­lardyń biri bolǵanyn maqtanysh­pen aıtamyz», dedi ákim.

Saltanatty jıynda sóz sóı­legender qatarynda Mádenıet jáne aqparat mınıstrliginiń ókili Kúmis Seıitova jyly lebi­zin arnap, mınıstr Aıda Balaevanyń J.Shanın atyndaǵy aka­de­mııa­lyq qazaq drama teatrynyń 95 jyldyǵy men osyǵan oraı uıymdastyrylǵan halyqaralyq fes­tıvaldyń ashylýyna baılanysty joldaǵan quttyqtaý hatyn oqyp berdi.

Aıtýly merekelik keshte J.Shanın atyndaǵy teatr ujy­my jergilikti atqarýshy bılik pen mádenıetke jaýapty sala­lyq mınıstrlik tarapy­nan taǵa­ıyndalǵan túrli mara­patqa ıe boldy.

Sonymen qatar festıval kúnderi teatr mamandarynyń shyǵarmashylyq áleýeti men kásibı deńgeıin jaqsartý maqsatynda «Sheberlik sabaq­tary» ótkizile­di. Onda bekzat óner­diń kásibı sheberleri, E.B.Vah­tangov atyn­da­ǵy teatr­dyń rejısseri, «Altyn maska­nyń» birneshe dúrkin ıege­ri Iýrıı Býtýsovtyń, T.Júrge­nov atyndaǵy Qazaq ulttyq óner akademııasynyń dosenti Aıgúl Naremgenovanyń, teatrtanýshy, О́zbekstan memlekettik mýzykalyq komedııa teatry­nyń (operetta) dırektory Býrı Ganıevtiń sheber­lik sabaq­tary uıymdastyrylady. Tar­qatyp aıtqanda, Iý.Býtýsov «Rejıs­sýra», A.Naremgenova «Akterdiń sahnalyq úni», B.Ganıev «Teatr isin uıymdastyrý (menedjment)» taqyryptarynda dáris oqyp, akterler sheberligin shyńdaıdy.

Festıvaldyń qorytyndysy men jabylý saltanaty 11 qarasha kúni Shymkenttegi «Tulip Hall» má­denıet saraıynda ótedi dep josparlanyp otyr. Kesh bary­synda úzdik ónerpazdar men shyǵar­ma­shylyq ujymdarǵa arnaıy syı­lyqtar tabystalady.