Is-sharaǵa QHA tóraǵasynyń orynbasary Marat Ázilhanov, QHA Ǵylymı-sarapshylyq keńesiniń tóraǵasy, Qoldanbaly etnosaıası zertteýler ınstıtýty dırektorynyń orynbasary Aıgúl Sádýaqasova, Qazaqstan qoǵamdyq damý ınstıtýty basqarma tóraǵasynyń orynbasary PhD Oljas Beısenbaev, L.N. Gýmılev atyndaǵy Eýrazııa ulttyq ýnıversıtetiniń dosenti, áleýmettanýshy Elmıra Otar, áleýmettaný ǵylymdarynyń doktory, Prezıdent janyndaǵy QSZI bas ǵylymı qyzmetkeri Aıgúl Zabırova, QHA Ǵylymı-sarapshylyq keńesiniń jáne óńirlik Ǵylymı-sarapshylyq toptardyń músheleri qatysty.
Basqosýda aldymen sóz alǵan Marat Ázilhanov jas ǵalymdardyń etnosaralyq kelisimdi nyǵaıtýdaǵy jáne Assambleıanyń ǵylymı-sarapshylyq áleýetin damytýdaǵy mańyzdy róline toqtaldy. Sonymen birge spıkerler Oljas Beısenbaev, Elmıra Otar jáne Aıgúl Zabırova etnosaralyq qatynastardyń ózekti máselelerin zertteýge, jastar arasynda qundylyq baǵdarlaryn qalyptastyrýǵa baǵyttalǵan Jas ǵalymdar klýbynyń jobalaryn tanystyrdy.
Oljas Beısenbaev Jas ǵalymdar klýby qoǵamdyq kelisim men jalpyulttyq birligin nyǵaıtýǵa septigin tıgizetin ǵylymı jobalar boıynsha pikir almasý jáne yntymaqtastyq alańyna aınalatynyn atap ótti. Úmitkerler sanatyna basqa granttarǵa qatyspaıtyn jáne materıaldyq yntalandyrýdy qajet etetin ǵylymı zertteý ınstıtýttary men joǵary oqý oryndarynda qyzmet atqaratyn ǵalymdar kiretinin aıtty.
Al áleýmettanýshy Elmıra Otar ǵylymı ázirlemelerdi tájirıbege engizýdiń mańyzyn atap ótip, keshendi zertteýler jastar arasynda otansúıgishtik pen azamattyq jaýapkershilikti qalyptastyrýdyń tıimdi tásilin ázirleýge kómektesetinin jetkizdi. Sondaı-aq klýb jumysy aıasynda Qazaqstan halqy Assambleıasy eldegi etnosaıası jáne mádenıetaralyq úderisterdiń damýyna úles qosatyn jas zertteýshilermen baılanys ornatýyna yqpal etedi. Aıgúl Zabırova Qazaqstan jastarynyń qundylyqtary, qazirgi kezeńdegi eldegi azamattyq qoǵamnyń damý úrdisteri men úderis máselelerin kóterdi. Sonymen qatar otyrys barysynda QHA Ǵylymı-sarapshylyq keńesiniń músheleriniń rotasııasy máselelerin de talqylady. Jıynǵa qatysýshylar keńestiń tıimdiligin arttyrý, qazirgi zamanǵy syn-qaterlerge beıimdelý úshin onyń quramyn jańartýdyń qajettiligi týraly ortaq pikirge keldi. Otyrys qorytyndysynda usynylǵan jobalardy iske asyrý boıynsha naqty qadamdar belgilendi.
