Foto: Úkimettiń baspasóz qyzmeti
Qarajatty Arnaýly memlekettik qorǵa aýdarýmen qatar, Zań sýbektileri esebinen kelesi obektilerdiń qurylysy maquldandy: Arqalyq qalasynda daryndy sportshy balalarǵa arnalǵan 120 oryndyq sporttyq keshen, Astanada tirek-qımyl apparaty buzylǵan balalarǵa arnalǵan ońaltý ortalyǵy, Almatyda erekshe qajettiligi bar adamdarǵa arnalǵan 400 oryndyq jattyǵý ortalyǵy.
«Memleket basshysy atap ótkendeı, qaıtarylǵan barlyq qarajat el azamattarynyń ıgiligi úshin jumys isteýi tıis. Osy jyldyń basynan bastap Komıssııa qaıtarylǵan aktıvter boıynsha jalpy somasy 900 mlrd teńgeden astam kelisimderdi maquldady. Bul qarajatqa birqatar áleýmettik ınfraqurylym obektileriniń qurylysy bastaldy», dedi Oljas Bektenov.
Buǵan deıin Prezıdent tapsyrmasy boıynsha Arnaýly memlekettik qordan Aqmola oblysyndaǵy Zerendi aýylynda sporttyq keshen jáne Túrkistan oblysyndaǵy Temirlan aýylynda mýzyka mektebiniń qurylysyna qarajat bólingen edi.
