ShILDEGE DEIIN 72 INDÝSTRIIаLYQ JOBA ISKE QOSYLADY

Úkimettegi selektorlyq keńeste osy másele taǵy bir pysyqtaldy Premer-Mıınstr Kárim Másimovtiń tóraǵalyǵymen ótken keshegi Úkimettiń selektorlyq keńesinde ústimizdegi jyldyń I jartyjyldyǵynda iske qosylatyn ındýstrııalyq jobalardyń oryndalý barysy qaraldy. Selektorlyq keńesti ashqan Úkimet basshysy aldymyzdaǵy dúısenbide Elbasy tapsyrmasy­men ázirlengen ındýstrııalyq jobalar baǵdarlamasyn ashý rásimi bolatyndyǵyn atap kór­se­te kele osyǵan baılanysty má­seleni taǵy da bir pysyq­taý­dyń qajet bolǵandyǵyn aıtty. Atalǵan másele boıynsha habarlama jasaǵan Ekonomıka­lyq damý jáne saýda mınıstri­niń orynbasary Albert Raý Qazaqstannyń ındýstrııalan­dy­rý kartasyna sáıkes ústimizdegi jyldyń 1 shildesine deıin eli­miz­de 342 mıllıard teńgeniń 72 ınvestısııalyq jobasy iske qosylatyndyǵyn aıtty. Osy arqyly 10 myńnan astam jańa turaqty jumys orny ashylatyn bolady. Qazirgi kúnge deıin atalǵan qarjynyń 97 paıyzy ıgerilipti. Albert Raý osy jerde 72 jo­banyń 68-i jańa óndiris orny bolyp tabylatyndyǵyn atap kórsete ketti. 22 maýsymdaǵy málimet boıynsha 72 jobanyń 30-dan astamy iske qosylyp úl­gerilgen. Solardyń ishinde alıý­mınıı zaýytynyń ekinshi kezegi, metalprokat zaýyty sekildi iri jobalar bar. Maýsym aıynyń sońyna deıin qalǵan jobalardyń da iske qosý aktisi daıyn bolýǵa tıis. Sonymen qazirgi kúni eli­mizde ár kún saıyn jobalardy iske qosý jónindegi mańyzdy jumystar qyzý júrgizilip jatyr dep aıtýǵa bolady. Máselen, se­lektorlyq keńes ótken dál osy kúnniń ózinde Ońtústik Qazaq­stan oblysyndaǵy avtomattan­dyr­ylǵan jip ıirý fabrıkasy, Shyǵys Qazaqstan oblysyndaǵy kúshtik jáne baqylaý kabel­deriniń óndirisin iske qosý aktisi ázir bolýǵa tıis. Osy sońǵy eki jobanyń qunynyń ózi tıisinshe 6 mıllıard 30 mıllıon teńgeni jáne 753 mıllıon teńgeni qu­raıtyndyǵyn atap kórsete ketsek artyq bolmas. Munan keıin sóz alǵan Pre­mer-Mınıstrdiń orynbasary – Ekonomıkalyq damý jáne saýda mınıstri Áset Isekeshov ın­dýstrııalyq jobalardy iske qosý jónindegi jumystar ár kún saıyn júrip jatqandyǵyn, ár kún saıyn árbir joba boıynsha naqty tal­qy­laýlar uıymdas­ty­rylatyndyǵyn jetkizdi. Baılanys jáne aqparat mı­nıstri Asqar Jumaǵalıev ın­dýs­trııalyq jobalardy iske qo­sýǵa jáne Astanadaǵy jańa ýnı­versıtettiń ashylýyna baıla­nys­ty ótetin telekópirge ázirlik jumystary jaıynda jeke baıan­dady. Mınıstrdiń aıtýy boı­yn­sha, bul jónindegi jumystar onyń qatysýshylary­men arada qyzý júrgizilýde. Telekópirdi ótkizýdiń ssenarııi ázir bolǵan. Munan keıin Asqar Jumaǵalıev ázirlik jumystary­nyń árbir satysyna jeke toqtaldy. Selektorlyq keńeske onlaın rejimdegi ınteraktıvtik baı­la­nys arqyly árbir óńir basshy­lary qatysyp otyrdy. Olardyń bar­ly­ǵy ındýstrııalyq joba­lar­dy iske qosýǵa tap-tuınaqtaı ázirlikter júr­gizilip jatqandy­ǵyn, jumys­tyń keste boıynsha júrgizilýi qatań baqylaýda eken­digin aıtyp berdi. Selektorlyq keńesti Úkimet basshysy Kárim Másimov qory­tyndylady. Suńǵat ÁLIPBAI.