Foto: ashyq derekkóz
Qazirgi ýaqytta elimizdegi jergilikti, óńirlik jáne respýblıkalyq sport federasııalary jeke sýbektiler retinde áreket etedi jáne bir-birine baǵynbaıdy. Bul jaǵdaı sportty damytýdaǵy táýelsiz saıasat júrgizýge, múddeler qaqtyǵysyna jáne jaýapkershiliktiń bulyńǵyrlyǵyna ákep soǵýda, nátıjesinde sporttyń damýy baıaýlap otyr.
Usynylyp otyrǵan jańa model jergilikti federasııalardyń akkredıttelgen respýblıkalyq (nemese óńirlik) sport federasııalaryna baǵynyshty bolýyn kózdeıdi. Bul ózgeris sportty damytý salasyndaǵy basqarýdy ortalyqtandyrýdy, tıimdilikti arttyrýdy jáne jaýapkershilikti aıqyndaýdy maqsat etedi.
«Bul zań jobasy sport salasyndaǵy basqarý júıesin retke keltirip, elimizdegi sportty damytýǵa jańa serpin beredi dep senemiz. Biz ártúrli deńgeıdegi federasııalardyń úılesimdi jumys isteýi úshin jaǵdaı jasaýǵa tyrysamyz», dep atap ótti Týrızm jáne sport mınıstri Erbol Myrzabosynov.
Qujat qabyldanǵan jaǵdaıda, sport federasııalary arasyndaǵy ózara qarym-qatynastardy retteıtin júıe qurylyp, sportty damytýǵa baǵyttalǵan tıimdi saıasatty qalyptastyrýǵa múmkindik beredi.
