1993-2003 jyldar – Ál-Farabı. Ulttyq bank shyǵarǵan teńgeniń ekinshi serııasy ortaǵasyrlyq uly fılosof, ǵalym Ábý Nasyr Ál-Farabıge arnaldy.
2006 jyl – Báıterek. Tik dızaındaǵy jańa banknottar shyǵaryldy. Jańa banknottaǵy negizgi element jańa astananyń kórnekti nysany – «Astana-Báıterek» monýmentiniń beınesi boldy. Ashyq túster palıtrasy qoldanylyp, joǵary deńgeıdegi qorǵanys elementteri engizildi.
2011 jyl – Qazaq eli/Samuryq. Jańa serııanyń ereksheligi – banknottardyń aldyńǵy betindegi «Qazaq eli» monýmentiniń (Samuryq qusynyń) beınesi.
2023 jyl – Saq stıli. Jańa banknottar serııasy saq mádenıetine arnalǵan. Ata-babamyzdyń dúnıetanymyn, tabıǵatpen baılanysyn, keń-baıtaq jerimizde mekendeıtin janýarlar álemin kórsetedi. Sonymen qatar ejelgi qorǵandardan tabylǵan buıymdar da kórinis tapqan. Byltyr jeltoqsannan bastap Ulttyq bank aınalymǵa nomınaly 5 myń teńgelik jańa «Saq stıli» serııasynyń jańartylǵan banknottaryn shyǵardy. Bıyl jazda nomınaly 10 myń teńgelik banknottar aınalymǵa endi. Jalpy, osy jańa serııanyń banknottary birtindep aınalymǵa engizilmek, óıtkeni olardy eldiń barlyq aımaǵyna jetkizý jáne jabdyqtardy (bankomat, termınal jáne basqa da kassa tehnıkasyn) beıimdeýge birshama ýaqyt qajet.
