Sýretti túsirgen – Erlan OMAR, «EQ»
«Qazir zaýytta ártúrli ólshemdegi plastıkalyq qubyrlar jeti óndiris jelisinen shyǵyp jatyr. Germanııa, Fınlıandııa, Qytaı elderinen ákelingen tehnologııa ýaqyt talabyna saı ónim jasaýymyzǵa múmkindik týdyryp otyr. Zaýyt jylyna 10-15 myń tonna qubyr shyǵarady. О́nim sapasyn tutynýshy kompanııalardyń áleýetine qarap-aq aıqyndaýǵa bolady. Tutynýshylarymyz eldiń 20 óńiriniń bárinde derlik bar», deıdi kásiporyn bas dırektory Baǵlan Qudııarov.
Negizgi tapsyrys berýshiler qatarynda «Astana sý arnasy» MKK, «Kegoc», «Qazaqtelekom», «QazGerStroı» JShS jáne basqa da irgeli kompanııalar bar.
«О́nim men ınnovasııany únemi jetildire otyryp, tutynýshy talabyn tolyq oryndaýǵa múddelimiz. Sebebi kásiporyn uzaqmerzimdi damýǵa baǵyttalǵan. Seriktestermen qarym-qatynasty nyǵaıtýmen qatar, joǵary deńgeıde qyzmet kórsetip, qajet kezinde qoldaý bildiremiz», deıdi bas dırektor.
Kompanııa tek óndirispen ǵana shuǵyldanyp qoımaı, eldegi orta bilim oshaqtarymen baılanys ornatýǵa tyrysady. Búginde Astanadaǵy eki tehnıkalyq kolledjben memorandýmǵa otyrǵan. Kolledj stýdentteri zaýytqa kelip is-tájirıbeden ótedi.
«Tájirıbeden ótýge kelgen 30 stýdenttiń on shaqtysy osynda turaqty jumysqa qalyp qoıady. Kásibı maman tabý qıyn. Plastıkalyq qubyrlar jasaýǵa oqytyp, úıretetin bilim oryndary ázirshe elimizde joq. Zaýyt alǵash ashylǵan kezde mamandardy Fınlıandııaǵa jiberip, oqytyp alǵanbyz. Zaýyttyń júregi hám ustyny bolyp otyrǵan sol saqa mamandar kelgen árbir jas túlekti osyndaǵy kásipke baýlıdy», deıdi kásiporynnyń tehnıkalyq dırektory Marat Sádýaqasov.
Onyń aıtýynsha, «Polytech Astana» kásipornynyń gazben jabdyqtaýǵa arnalǵan qubyrlary joǵary qysymǵa jáne syrtqy áserlerge tózimdilikti qamtamasyz etetin joǵary sapaly polıetılennen (PE) jasalǵandyqtan, óte tózimdi ári berik. Qubyrlar halyqaralyq qaýipsizdik jáne sapa standarttaryna sáıkes keledi. Al sý qubyry polıetılen jáne polıvınılhlorıdten (PVH, PVH-O) jasalǵan. Ol da asa berik, ekologııalyq turǵyda taza ári korrozııaǵa tózimdi.
«Qazir ónimge suranys bar. Áıtse de, otandyq úlken kompanııalar qajet qubyryn Qytaı nemese Reseıden aldyrady. Áıtpese biz shyǵaratyn ónim sapasy syrttan keletin taýardan bir mysqal kem emes. Tipti artyq deýge bolady. Sondyqtan Úkimet qoldaýy taǵy ulǵaıyp, irgeli kompanııalardyń tek otandyq ónimderdi satyp alýy qajettigi belgili bir kelisimshartta anyq kórinis tapsa degen tilek bar», dedi M.Sádýaqasov.
Táýligine 24 saǵat tegershigi aınalǵan zaýytta jumysshylar 4 aýysymmen eńbek etedi. 100-den asa adam jumys isteıdi. Basym kópshiligi – tehnıkalyq, mehanıkalyq mamandyq ıeleri. Jumysshylardy úı men zaýyt arasyna tasymaldaıtyn arnaıy avtobýs bar. Bir mezgil tegin as beriledi. Eńbekaqy kólemi 200 myń teńgeden bastalyp, eńbegi men laýazymyna qaraı eselenedi eken.
