Foto: Aqorda
Esterińizge sala keteıik, Prezıdent byltyrǵy Joldaýynda úsh jyldyń ishinde agroónerkásip keshenindegi qaıta óńdelgen ónimniń úlesin 70 paıyzǵa deıin arttyrý mindetin qoıǵan edi.
«Biz negizgi azyq-túlik taýarlary boıynsha ımportqa táýeldilikti azaıtýǵa baǵyttalǵan birqatar jobany júzege asyra bastadyq. Atap aıtqanda, taıaý jyldary sút óndirý kólemin 600 myń tonnaǵa kóbeıtýge múmkindik beretin 116 zamanaýı taýarly sút fermasy salynady», dedi Memleket basshysy.
Sonymen qatar Memleket basshysy jalpy qýaty jylyna 220 myń tonna qus etin óndiretin 29 fabrıkany, sondaı-aq qýaty jylyna 850 mıllıon jumyrtqa óndiretin 11 qus fabrıkasyn paıdalanýǵa berý kózdelgenin atap ótti.
Sondaı-aq, 100 myńǵa jýyq iri qaraǵa arnalǵan 6 bordaqylaý alańyn, 50 myń bas ýaq malǵa arnalǵan bordaqylaý keshenin iske qosý josparlanǵan.
«Sonymen qatar Úkimet alǵashqy mamandandyrylǵan bırja ashýdy qolǵa aldy. Bul keshende mal saýdasynyń zamanaýı erejeleri saqtalyp, fermerler men tutynýshylar arasynda basy artyq deldaldar bolmaıdy», dedi el Prezıdenti.
