Foto: Ashyq derekkóz
Onyń aıtýynsha, bul mańyzdy jıyn - otandyq agrosalanyń damý joldaryn talqylaýǵa, qajetti bastamalardy júzege asyrýǵa baǵyttalǵan úlken qadam.
Sonymen qatar depýtat forýmda jylqy sharýashylyǵy ınstıtýtyn qurý bastamasy kóterilgenin atap ótti. Sondaı-aq ol bul qýanyshty jańalyqtyń elimizdegi jylqy sharýashylyǵyn damytýǵa jańa serpin beretinin tilge tıek etti.
«Prezıdent óz sózinde aýyl sharýshylyǵynyń ulttyq ekonomıkadaǵy rólin erekshe atap ótti. Jalǵan statıstıkamen kúresý qajet ekenin aıtty. Derekterdiń shynaıylyǵy salany tıimdi basqarýdyń jáne damý perspektıvalaryn durys boljaýdyń negizi ekeni aıtyldy», dedi ol.
Aıdarbek Hodjanazarovtyń aıtýynsha, forým - aýyl sharýashylyǵyndaǵy myńdaǵan qarapaıym qyzmetkerdiń eńbegin baǵalap, olardy jańa jetistikterge yntalandyrýǵa arnalǵan erekshe oqıǵa.
«Aýyl - halqymyzdyń rýhanı jáne ekonomıkamyzdyń mańyzdy tiregi. Sondyqtan agrarlyq saladaǵy reformalar men bastamalar aýyl ómirin jaqsartýǵa, Qazaqstannyń azyq-túlik qaýipsizdigin qamtamasyz etýge jáne ekonomıkamyzdyń turaqty damýyna septigin tıgizedi», deıdi A.Hodjanazarov.
