KTK telearnasy dereginshe, alǵash ret Japonııada óndirilgen erekshe jemis túri az ýaqytta Ońtústik Koreıany jaýlap, artynsha jarnamasy jeldeı esip, búkil álemge tarady.
Áleýmettik jelide keńinen taralǵan júzim Astanadaǵy bazarlarda samsap tur. Pishini kádimgi júzimderden eki-úsh ese úlken.
- Bunyń satylymǵa shyqqanyna bir aptadaı boldy. Bastapqyda bir kelisi segiz myńnan, qazir bes myń teńgeden satylyp jatyr. Satyp almas buryn, Astana qalasynda kóterme bazardan tekserip, asyqpaı, ózim dámin kórdim, zerthanadan shyqqan qaǵazyn tekserdim, – deıdi satýshy Arman Artyqbaev.
О́tken aıda Taıland zerthanalarynda «Shine muscat» júziminiń 24 synamasy tekserilip, onyń 23-inde ýly hımııalyq qaldyqtar tabylǵan. Muny bilgen Taı bıligi óre túregelip, zııandy ónimniń satylymyna tyıym saldy. Al Qazaqstanǵa sol Koreı elinen de, kórshiles Qytaıdan da júzimder jáshik-jáshigimen erkin tasymaldanyp jatyr. Jaýapty vedomstvo endi ǵana sórelerde tórden oryn alǵan jemisti tekserýdi bastaǵanyn jetkizdi.
- Mınıstrlik komıtetiniń aımaqtardaǵy departamentteri baqylaý maqsatynda osy júzimdi satyp alyp, qazir saraptaýǵa, zerthanaǵa joldady. Satylymnan alynǵan ónimder tekserilip, mıkotoksınder, toksındi elementter, pestısıdter jáne de t.b.qaýipsizdik talaby boıynsha tekseris júrgizilip jatyr. Júzimge qatysty ýlaný faktici ázirge tirkelgen joq jáne de tutynýshy tarapynan aryz-shaǵym túspedi, – deıdi DSM Sanıtarııa-epıdemıologııany baqylaý komıtetiniń bas sarapshysy Danagúl Qasqataeva.
Degenmen nýtrısıolog mamandar júzimniń osy túrin tutynbas buryn, ony muqııat as sodasymen jýyp alýǵa keńes beredi. Sondaı-aq, satýshylardan taýardyń qaýipsizdik sertıfıkatyn suraý kerek ekenin aıtady.
- Basqa júzimdermen salystyrǵanda qant deńgeıi joǵaryraq. Ony tasymaldaý, saqtaý úshin, ósirý kezinde qoldanylatyn hımııalyq qospalar, ıaǵnı pestısıdter mólsheri joǵary bolýy múmkin. Iаǵnı ortalyq júıke júıesine, as qorytý júıesine keri áserin, qaýipti áserin tıgizedi. Qant dıabeti bar adamdarǵa óte zııan. Al pestısıdter barlyq adamǵa zııan. Ásirese osal top, ol bizde balalar men qart adamdar, – deıdi Astana medısınalyq ýnıversıteti profılaktıkalyq medısına ǵylymı zertteý ınstıtýtynyń oqytýshysy Qarlyǵash Súıindik.
