Foto: Polisia.kz
Qarasha aıynda Shymkentte bir top adam polısııa qyzmetkerleriniń keıpine enip, «qamqorlyǵy» úshin aı saıyn 1,5 mln teńge alyp otyrǵan.
Dál sol sııaqty Aqtóbede 2 jas jigit qalanyń eki turǵynyna zorlyq-zombylyq kórsetip, 300 myń teńge alǵan.
Qonaevta uıymdasqan qylmysqa qarsy kúres basqarmasynyń qyzmetkerleri Almaty oblysynyń 2 turǵynyn ustady. Olar ózderin jedel ýákil retinde kórsetip, jábirlenýshiden 500 myń teńge bopsalaǵan.
Jalǵan qyzmettik kýálikter, qujattar, nysandy kıimder tárkilenip, kúdiktiler qamaýǵa alyndy.
«Aıta ketý kerek, zamanaýı tehnologııalar alaıaqtarǵa yqtımal qurbandar týraly ártúrli aqparatty ońaı alýǵa múmkindik beredi. Bul olardyń qylmystyq shemalaryn senimdi etedi. Qylmyskerler adamdardy manıpýlıasııalaý úshin psıhologııalyq ádisterdi qoldanady. Jalǵan polısııa qyzmetkerlerin ustaý – bul qaýipsizdik máselesi ǵana emes, azamattardyń quqyqtaryn qorǵaýdyń mańyzdy bóligi. Azamattardyń qyraǵylyǵy mundaı qylmystardyń sanyn edáýir tómendetýi múmkin. IIM kez kelgen zańsyz áreketter týraly polısııaǵa dereý habarlaýdy suraıdy. Bul baǵyttaǵy profılaktıkalyq jumystar jalǵasyp jatyr», dedi IIM uıymdasqan qylmysqa qarsy kúres departamentiniń ókili Qýandyq Alpys.
