Foto: freepik.com
2024 jylǵa jalpy kólemi 901,9 myń sharshy metrdi quraıtyn turǵyn úılerdi paıdalanýǵa berý jospary bekitildi. Bul – óńirdegi turǵyn úı máselesin sheshýde aıtarlyqtaı ilgerileýge múmkindik beredi. Atalǵan kólem ártúrli kózderden keshendi qarjylandyrý esebinen qamtamasyz etiletin bolady, bul – qurylys salasyn qoldaý men ınvestısııa tartýdyń keshendi tásilin rastaıdy.
Turǵyn úı kólemin qarjylandyrý jáne bólý kózderine keler bolsaq, bıylǵy jylǵa arnalǵan jospary boıynsha bıýdjet qarajaty esebinen – 129,2 myń sharshy metr, jeke qurylys salýshylar – 191,8 myń sharshy metr, turǵyndar esebinen – 580,9 myń sharshy metr turǵyn úı salynǵan.
Bıyl, atap aıtqanda, qańtar-qyrkúıek aılarynda Almaty oblysynda 777,1 myń sharshy metr turǵyn úı paıdalanýǵa berildi, bul ótken jyldyń sáıkes kezeńimen salystyrǵanda 108,9 paıyzǵa joǵary. Qazan aıynda taǵy 84,4 myń sharshy metr paıdalanýǵa berilip, 10 aıdaǵy jalpy kólemdi 861,5 myń sharshy metrge jetkizdi. Bul nátıjeler qurylystyń joǵary qarqynyn jáne turǵyn úı baǵdarlamasynyń belsendi júzege asyrylyp jatqanyn rastaıdy.
Turǵyn úı baǵdarlamasynda halyqtyń áleýmettik osal sanattaryn qoldaýǵa erekshe kóńil bólinedi. Bıyl 2922 otbasyn baspanamen qamtamasyz etý josparlansa, onyń ishinde 1618 otbasy bıýdjet qarajaty esebinen baspana alady. Sondaı-aq 1304 otbasyna jalǵa beriletin turǵyn úı satyp alý josparlanyp otyr, bul shyn máninde, kómekke muqtaj adamdarǵa turǵyn úı jaǵdaıyn jaqsartýǵa múmkindik beredi. Iаǵnı, turǵyn úı salý arqyly adamdardyń ómir sapasyn kóterýge jáne qoldaýdy qajet etetinderge kómek kórsetýge baǵyttalǵan. Osylaısha, Almaty oblysy turǵyn úı saıasatynda alǵa qoıǵan maqsattaryna senimdi túrde qadam basyp keledi. Bekitilgen 2024 jylǵa arnalǵan jospar, sondaı-aq aǵymdaǵy nátıjeler bıliktiń óńirdiń turaqty damýynyń kepili bolyp tabylatyn halyqtyń barlyq sanattaryn qoljetimdi baspanamen jáne jaıly jaǵdaımen qamtamasyz etýge umtylysyn kórsetedi.
«Almaty oblysy azamattardyń ómir súrý jaǵdaıyn jaqsartýǵa baǵyttalǵan maqsattaryna senimdi qadam jasap jatyr. Bıylǵy jylǵa arnalǵan jospar tek sandardan turmaıdy, ol óńirdiń turaqty damýyn, qoljetimdi baspana usynýdy jáne muqtaj jandarǵa áleýmettik qoldaý kórsetýdi qamtamasyz etý jónindegi mindetimizdi aıqyndaıdy. Biz Almaty oblysynyń árbir turǵynyn jaıly ári laıyqty ómir súrý jaǵdaılarymen qamtamasyz etý úshin jumystarymyzdy belsendi túrde jalǵastyramyz», deıdi Almaty oblysy ákiminiń orynbasary Nurjan Qudaıbergenov.
Almaty oblysy
