Jekeleı syndy Zarına Dıas bastap, Da En Baktan basym tústi. Uzaq ýaqyt úzilisten keıin kortqa oralǵan Zarına álemdik reıtıngte 383-satyda tur. Al qarsylasy 314-orynda. О́zinen 11 jas kishi qarsylasyn jerlesimiz úsh partııada eńserdi, esep – 3:6, 6:3 7:6. Ekinshi oıynda elimizdiń birinshi, álemniń altynshy raketkasy Elena Rybakına Son Hen Pakti erkin utty: 6:2, 6:2.
Jarystyń ekinshi kúni birinshi bolyp alańǵa shyqqan jerlesimiz, dúnıejúzilik reıtıngte 29-satyda turǵan Iýlııa Pýtınseva da Ký En Výdy eki sette jeńdi: 7:5, 6:4. Sóıtip, jekeleı synnyń josparly kezdesýleriniń sońǵysy qajet bolmaı qaldy. Juptyq saıysta Jibek Qulambaeva men Anna Danılına Kım Dabın – Ký En Vý jubyna ese jiberdi. Biraq bul jeńilis eshteńe sheshpeıtin edi. Áıelder quramasy jekeleı syndaǵy jeńisimen-aq álem kýboginiń irikteý kezeńine joldama aldy. Komandalyq álem chempıonatynyń irikteý kezeńi 2025 jyldyń sáýir aıynda ótedi.
Kimderge senim artamyz?
Kelesi jyly Qytaıda qysqy Azııa oıyndary ótedi. Sportshylarymyzdyń qysqy alamanǵa ázirligi Ortalyq kommýnıkasııalar qyzmetinde aıtyldy.
Baspasóz máslıhatyna Týrızm jáne sport mınıstrligi Sport jáne deneshynyqtyrý isteri komıteti tóraǵasynyń orynbasary Azamat Imashev, osy komıtetke qarasty Sportty damytý dıreksııasy dırektorynyń orynbasary Azamat Hamzın, Ulttyq olımpıada komıtetiniń resmı ókili Jiger Ázbergen qatysyp, sportshylardyń daıyndyǵynan qulaǵdar etti.
IH qysqy Azııa oıyndary 2025 jyldyń 7-14 aqpany aralyǵynda Harbın qalasynda ótedi. Osy shaharda konkı, shaıbaly hokkeı, kerlıng saıystary uıymdastyrylsa, Iаbýrı qalasynda shańǵy sporty, bıatlon, shańǵy alpınızminen sportshylar synǵa túspek. Qurlyq dodasyna 32 elden bir myńnan astam sportshy qatysady dep josparlanyp otyr. Birneshe sport túrinen 196 medal jıyntyǵy sarapqa salynady.
Qytaıdyń Harbın qalasy qysqy Azııa oıyndaryn ekinshi márte qabyldamaq. 1996 jyly osy shaharda ótken qysqy Azıada dodasynda bizdiń sportshylar 14 altyn, 9 kúmis, 8 qola oljalap, jalpy esepte ekinshi satyǵa turaqtaǵan edi. Al sońǵy qysqy Azııa oıyndaryn 2017 jyly Japonııa eli ótkizgende 9 altyn, 11 kúmis, 12 qola medalmen oralǵan bolatyn.
«Harbındegi qurlyq tartysyna 6 sport túrinen 139 (71 er, 68 áıel) sportshymyz qatysady. Bıatlonnan – 10, kerlıngten – 12, konkımen júgirýden – 20, mánerlep syrǵanaýdan – 4, short trek, shańǵy jarysynan – 12, taý shańǵysynan, alpınızm sportynan – 8, frıstaıl akrobatıkadan 7 sańlaqqa senim artylmaq. Shaıbaly hokkeıden erler men áıelder quramasy da úmitti aqtaıdy dep senemiz», dedi Azamat Imashev.
Komıtet tóraǵasynyń orynbasary bıatlonnan Áset Dúısenov, Aleksandr Mokın, Vadım Kýrales, Alına Krıýkova, shańǵy sportynan Oljas Klımın, Konstantın Borsov, Nıkıta Grıdın, Ksenııa Shalygına, konkımen júgirýden Nuraly Aqjol, Altaı Járdembekuly, Nadejda Morozova, short trekten Abzal Ájǵalıev, Denıs Nıkısha, Madına Janbosynova, Malıka Ermek, Alına Ájǵalıeva, Iаna Han, frıstaıl akrobatıkadan Ardana Mahanova, Aıana Joldas, Roman Ivanov, Sherzod Shaǵyrbaev syndy sańlaqtarǵa zor senim artylatynyn atap ótti. Sportshylardyń oqý-jattyǵý jıynyn ótkizýine memleket tarapynan qarjylaı qoldaý kórsetilip, barlyq jaǵdaı jasalǵanyn jetkizdi.
Erekshe balalarǵa tartý
Elimizde aýtızmge shaldyqqan balalar tuńǵysh ret velosportpen shuǵyldanýǵa múmkindik aldy. Igi bastama «Samuryq-Qazyna» AQ-nyń qoldaýymen «Velosport – barshaǵa» jobasy aıasynda júzege asty.
Qordyń qarjylaı qoldaýymen 30 balaǵa velosportpen júıeli shuǵyldanýyna jaǵdaı jasaldy. Astana qalasyndaǵy «Saryarqa» velotreginde erekshe balalar qor basshylarymen birlesken jattyǵý ótkizdi. «Samuryq-Qazyna»AQ basqarma tóraǵasy Nurlan Jaqypov velosportty jańa bastaǵan jetkinshekter arasynda halyqaralyq saıysqa qatysyp, júldemen oralǵan talapty balalardyń bar ekenin atap ótti. Sonymen qatar qor mundaı áleýmettik jobalardy únemi qoldap, erekshe balalarǵa árqashan qamqorlyq tanytatynyn jetkizdi. Erekshe balalarǵa «Velolegend» qorynyń jetekshisi Mahabbat О́tegenova velosportpen shuǵyldaný arqyly aýtızmi bar balalardyń kúsh-qýaty men tózimdiligin, emosıonaldyq kóńil-kúıin jaqsartýǵa kúsh salatynyn aıtty. «Biz balalardy jattyǵýda shyńdap, halyqaralyq saıystarǵa qosamyz», dedi. Jattyǵý sońynda qor basshysy erekshe balalarǵa 30 velosport pen avtobýsty syıǵa tartty.
