Stýdentter úıiniń saltanatty ashylýyna J.Táshenev atyndaǵy ýnıversıtettiń basqarma tóraǵasy, UǴA akademıgi, pedagogıka ǵylymdarynyń doktory, professor Ońalbaı Aıashuly, ýnıversıtet rektory professor Qanat Baıbolov, О́.Jánibekov atyndaǵy Ońtústik pedagogıkalyq ýnıversıtetiniń rektory mindetin atqarýshy Gúljan Súgirbaeva, Strategııalyq damý jáne áleýmettik máseleler jónindegi prorektor Barshagúl Isabek, sondaı-aq jeke kásipkerler Qasymbaı Jahanuly men Hıllola Anarmetovalar qatysyp, bilim alýshy jastarǵa izgi tilekterin jetkizdi.
«Bilim ordasyndaǵy bar ıgilik stýdentter úshin arnalyp otyr. Ýnıversıtette bilimpazdardyń ilim toqyp, óz betinshe izdenýge bar jaǵdaı jasalǵan. Oqytýshylardyń da biliktiligi joǵary. Ustazdardyń kópshiligi shetelde oqyǵan. Adal eńbek pen sapaly qyzmettiń nátıjesinde búginde stýdentterdiń de bilim dárejesi artyp keledi. Sonymen birge taıaýda Stýdentter kúnine oraı «Tashenev tandauy-2024» atty kesh uıymdastyrdyq. Oǵan shákirttermen birge ýnıversıtettiń ustazdary, basshylyq quramy túgel qatysty. Sol keshte tárbıesimen, bilimimen ózgelerge úlgi bolǵan úzdik stýdentter marapattaldy. Bul kesh tek kóńil kóterý is-sharasy emes, jastardyń óz ónerlerin ortaǵa salatyn, talantyn ashatyn, sondaı-aq shákirt pen ustaz arasyndaǵy baılanysty jaqyndata túsetin mereke», dedi ýnıversıtet rektory Q.Baıbolov.
Memleket basshysy Qasym-Jomart Toqaevtyń tapsyrmasyna sáıkes elimizde bilim salasy damyp keledi. Bul rette elimizdiń úshinshi megapolısi – Shymkent qalasy da ózge óńirlerden qalyspaı, bilim sapasyn jaqsartýǵa kúsh salyp otyr. Al shyraıly shaharda bolashaq pedagogterdi daıarlaıtyn mańyzdy oqý orynnyń biri – J.Táshenev atyndaǵy ýnıversıtet. Onyń tarıhy 90-jyldardyń aıaq kezinen bastalady. 1998 jyly qazirgi Túrkistan oblysynyń Jetisaı qalasynda jastardy joǵary bilimmen qamtamasyz etý maqsatynda atalǵan ýnıversıtet «Syrdarııa» degen atpen ashylǵan bolatyn. Osy ýaqyt aralyǵynda bilim ordasy óz dástúri men tájirıbesi qalyptasqan, aldyńǵy qatarly jekemenshik joǵary oqý oryndarynyń birine aınaldy. Osyǵan qaraı búgingi tańda ýnıversıtetti elimizdiń ońtústik ólkesindegi san alýan oqytý baǵdarlamalaryn usynyp otyrǵan bilim men ǵylym ordasy deýge bolady. 2022 jyly Ǵylym jáne joǵary bilim mınıstrliginiń uıǵarymymen ýnıversıtet Shymkent qalasyna kóshirildi. Keıin oqý ornyna kórnekti memleket jáne qoǵam qaıratkeri Jumabek Táshenevtiń esimi berildi. Qazir atalǵan joǵary oqý ornynda tórt fakýltet, on bes kafedra bar. Bilim ordasy jastardyń qoǵam ómirinde belsendi bolýyna múmkindik jasap, baǵyt-baǵdar siltep keledi.
Ýnıversıtet qazir zamanaýı ádistemeler boıynsha pedagog mamandardy daıarlaıdy. Materıaldyq-tehnıkalyq bazasy stýdentterge bilim men tájirıbeni birge ushtastyrýǵa úlken múmkindik beredi. Búgingi tańda elimizde bilimdi de jan-jaqty muǵalim mamandaryna suranys joǵary. Al eńbek naryǵyn óz mamandyǵyna saı pedagog mamandarmen tolyqtyryp otyrǵan oqý ornynyń biri – Táshenev ýnıversıteti. Bul oqý ordasyn ustazdar ustahanasy dep ataýǵa bolady. Búgingi stýdentter arasynda páter jaldap turatyndar bar. Bul, jalpy alǵanda, áleýmettik máseleniń qoǵamdaǵy bir kórinisi. Osy oraıda Memleket basshysynyń tapsyrmasyna sáıkes joǵary oqý oryndary stýdentterdiń jataqhana máselesin birtindep sheship keledi. Bul ári ýnıversıtettiń tolyqqandy qalyptasqanyn kórsetedi. Bilimmen qosa materıaldyq bazasynyń jaqsy ekenin bildiredi. Osyndaı dárejege jetken Táshenev ýnıversıtetiniń tabystaryna, árıne, qýaný kerek.
El bolashaǵy búgingi jastar qolynda. Sondyqtan jastar tárbıesi qoǵamda erekshe mánge ıe. О́skeleń urpaqtyń tárbıeli bolyp qalyptasýyna ustazdardyń da aıryqsha róli bar. Jastarǵa joldaǵan úndeýinde Prezıdent Qasym-Jomart Toqaev: «Men buǵan deıin «Adal azamat» uǵymyn usyndym. Osy oraıda jastarymyzǵa arnaıy úndeý joldaǵym keledi. Elimizde júzege asyrylyp jatqan árbir bastama, eń aldymen, sizderge arnalady. Qazirgi reformalardyń ıgiligin kóretin de, eldik isterdi jalǵastyratyn da – sizder. Shyn máninde, kez kelgen memleketti turǵyndaryna qarap baǵalaıdy. Iаǵnı bizdiń qandaı el bolarymyz óskeleń urpaqqa baılanysty. Sondyqtan jastarymyz otanshyl, bilimpaz, eńbekqor, únemshil, ádil ári janashyr bolýy qajet. Jastar sportpen, dene shynyqtyrýmen aınalysýy kerek. Men muny únemi aıtyp júrmin. Osy qundylyqtardy barynsha nasıhattap, taratý qajet. Sonda jeke adamnyń qasıeti tutas ulttyń qasıetine aınalady», degen edi. О́z kezeginde Táshenev ýnıversıteti jastardy bilim men tárbıe nárimen sýsyndatýda úlken is atqaryp keledi.
Jalpy, bıylǵy oqý jylynyń nátıjesine úńilsek, 20 – Altyn belgi, 50 – úzdik attestat, 14 halyqaralyq jáne respýblıkalyq olımpıada jeńimpazdary, 12 IELTS sertıfıkattaryn ıelengen ozat mektep túlekteri osy ýnıversıtetke stýdent retinde qabyldanýǵa tańdaý jasaǵan. Qazirgi tańda atalǵan oqý ornynda memlekettik grantpen – 96, «Táshenev tartýy» boıynsha – 150, «Qazaqstan halqyna» qory qarajatyna – 5, qala ákiminiń grantymen – 49 stýdent bilim alyp jatyr.
ShYMKENT
