Foto: Úkimettiń baspasóz qyzmeti
Ansaldo Energia bas dırektory Fabrısıo Fabbrımen kelissózder barysynda ınnovasııalyq tehnologııalardy qoldaný arqyly energetıkalyq ınfraqurylymnyń tıimdiligin arttyrý sharalary talqylandy. Bul baǵytta ıtalııalyq kompanııanyń gaz jáne bý týrbınalaryn ázirleý salasyndaǵy tájirıbesi perspektıvaly sanalady.
Buryn qabyldanǵan kelisimge sáıkes Almaty JEO-3 úshin eki gaz týrbınasy óndiriletin bolady. Osyǵan baılanysty taraptar ózara tıimdi yntymaqtastyqqa jáne Qazaqstandaǵy gaz týrbınalyq qondyrǵylar úshin komponentterdi lokalızasııalaýǵa múddeli. Bul elimizde gaz týrbınaly generatorlyq qondyrǵylar úshin ártúrli komponentter óndirýge múmkindik beredi jáne elektr energııasyn óndirýge arnalǵan jabdyqtar salasynda joǵary tehnologııalyq jetkizý tizbegin jasaıdy.
Al Maire Tecnimont kompanııasynyń prezıdenti Alessandro Bernınımen kezdesýde kómirsýtek shıkizatyn tereń óńdeý jáne qosylǵan quny joǵary, sapaly ári básekege qabiletti ónim shyǵarýdy arttyrý salasyndaǵy ózara is-qımyl qarastyryldy. Qazirgi ýaqytta Qazaqstanda álemdik naryqtarda suranysqa ıe polımerler men basqa da mańyzdy ónimderdi shyǵaratyn zaýyttar salý boıynsha aýqymdy jobalar iske asyrylyp jatyr.
О́z kezeginde, Maire Tecnimont polıetılen, býtadıen, turaqty avıasııa otynyn óndirý, sondaı-aq gaz bólý keshenin salý salasyndaǵy ınvestısııalyq jobalardy iske asyrýǵa qatysýǵa múddeli. Aıta ketý kerek, turaqty avıasııa otyny jobasy boıynsha seriktestik Qazaqstandaǵy avıasııa salasyndaǵy jasyl tehnologııalardy damytýǵa eleýli úles qosady. Atalǵan otyndy óndirý kómirtegi zııandy qaldyqtaryn azaıtýǵa, ekologııalyq qaýipsiz ushýdy arttyrýǵa jáne Qazaqstannyń jahandyq ekologııalyq tehnologııalar naryǵyndaǵy pozısııasyn nyǵaıtýǵa múmkindik beredi.
Kezdesýlerdiń qorytyndysy boıynsha Premer-mınıstr Oljas Bektenov qaıta óńdeýge basa nazar aýdara otyryp, ekonomıka qurylymyn ártaraptandyrýǵa jáne ózgertýge baǵyttalǵan aýqymdy ınfraqurylymdyq bastamalardyń mańyzyn atap ótti. Sondaı-aq birlesken jobalardy iske asyrýdyń barlyq kezeńinde Úkimettiń sheteldik ınvestorlarǵa járdem kórsetýge ázir ekenin rastady.
