Foto: Úkimettiń baspasóz qyzmeti
Kezdesý barysynda álemdik tehnologııalar naryǵyn damytýdyń zamanaýı trendteri jáne jańa birlesken bıznes-sheshimderdi, zertteý bastamalardy, onyń ishinde Ulttyq jasandy ıntellekt ortalyǵynda jasandy ıntellekt zerthanasyn ashý sheńberinde ázirleý perspektıvasy qarastyryldy.
Aıta keteıik, EPAM Systems – baǵdarlamalyq qamtamasyz etýdi ázirleý jáne konsaltıng salasyndaǵy álemdik kóshbasshy. Búgingi tańda EPAM kompanııasy Qazaqstannyń 17-den astam qalasynda tanystyrylǵan jáne 1000-ǵa jýyq qyzmetkeri bar, 2024 jyly Astana Hub-qa qatysý sheńberinde $40 mln astam somaǵa qyzmetter eksporttaldy.
Taraptar IT-bilim berýdi damytý baǵytynda 5 myńnan astam mamandy oqytqan EPAM Kazakhstan oqý ortalyǵynyń mańyzyn atap ótti. Tech Orda baǵdarlamasy arqyly kompanııa 700-den astam stýdentke Java, Python jáne Data Engineering sııaqty negizgi baǵyttar boıynsha IT daǵdylaryn úıretti. Bıyl oqý úshin taǵy 300 stýdent tańdalǵan.
«Prezıdent Qasym-Jomart Toqaev strategııalyq mindet qoıdy. Qazaqstan jappaı sıfrlandyrý jáne jasandy ıntellektini jedel damytý aýmaǵyna aınalýǵa tıis. Biz osy baǵytta jumys júrgizip jatyrmyz. 5 jyl ishinde IT-qyzmetter eksportynyń kólemi $30 mln-nan $600 mln-ǵa deıin ósti. Degenmen, bul jetkiliksiz, bizde úlken áleýet bar. Qazaqstandyq mamandar daryndy ári básekege qabiletti. Álemdik alpaýyttarmen yntymaqtastyq bizge tıimdilikti arttyrýǵa jáne ozyq qarqynmen damýdy qamtamasyz etýge múmkindik beredi»,dedi Oljas Bektenov.
О́z kezeginde Arkadıı Dobkın Qazaqstandaǵy qolaıly ınvestısııalyq ahýaldy atap ótip, sıfrlandyrý jáne ekonomıkanyń naqty sektorlaryna jańa tehnologııalardy engizý salasyndaǵy odan ári yntymaqtastyq úshin birqatar usynystardy aıtty.
Kezdesý qorytyndysy boıynsha sıfrlyq damý, ınnovasııalar jáne aeroǵarysh ónerkásibi mınıstrine qajetti kómekti qamtamasyz ete otyryp, jobalardy súıemeldeýdi kúsheıtý tapsyryldy.
