Bul ádis oqytý tıimdiligin 5–50 ese arttyryp, resýrstar men málimetterdi az qoldana otyryp, joǵary nátıjege jetýge múmkindik beredi. MBTL eń mańyzdy tapsyrmalardy tańdap, II modelderiniń jumysyn ońtaılandyrady. Mysaly, baǵdarshamdardy basqarýda jalpy qozǵalysqa áser etetin basty qıylystardy anyqtaıdy. Algorıtm jol qozǵalysyn basqarý men medısınalyq taldaý sekildi salalarda JI ónimdiligin arttyryp, naqty júıelerge beıimdele otyryp, sheshim usynady.
Ejelgi balyq zaýyty
Belızde arheologter Maııa órkenıeti paıda bolǵanǵa deıin 4000 jyl buryn ańshylar men terimshiler turǵyzǵan ejelgi balyq aýlaý arnalarynyń keshenin tapty.
Ǵalymdardyń esepteýinshe, bul aýqymdy qurylys jylyna 15 000 adamdy azyqpen qamtamasyz etip otyrǵan. Zertteýler kórsetkendeı, ırek arnalar júıesi tek balyq aýlaýǵa paıdalanylǵan. Arnalar jyl saıynǵy tasqyn sýdy arnaıy basseınderge baǵyttap, myńdaǵan balyqty ustaýǵa múmkindik bergen. Qurylym drondar men spýtnıkterden túsirilgen sýretterdi taldaý kezinde tabyldy.
Kıbershabýyldyń aldyn alady
Reseı ınjenerleri kıbershabýyldardyń aldyn alatyn qaýipsizdik júıesin jasady.
«InnoDragon» platformalardyń osal tustaryn anyqtap, kıbershabýyldardyń aldyn alady. Júıe kópsatyly taldaý negizinde tehnıkalyq ári adamı faktorlardy eskere otyryp jumys isteıdi.«InnoDragon» sıfrlyq aktıvterdi tıimdi basqarýǵa, qoljetimdilik deńgeılerin baqylaýǵa, paıdalanýshylardyń áreketterin qadaǵalaýǵa múmkindik beredi. Júıe dál sol sátte porttardy, veb-qosymshalardy, uıym saıttaryn skanerlep, tónetin qaýip týraly egjeı-tegjeıli esepterdi avtomatty túrde daıyndap bere alady.
