Foto: Ashyq derekkóz
Shý oblysy IIB-niń málimetinshe, 27 qarashada Toqmok qalalyq aýrýhanasyna Iskra aýylynyń kámeletke tolmaǵan 12 turǵyny (2012, 2009, 2008 j.t.) tamaqtan ýlaný dıagnozymen túsken. Zardap shekkenderge medısınalyq kómek kórsetilip, barlyǵy úılerine shyǵarylǵan.
Atalǵan fakti tirkelip, tergeýge deıingi tekserý amaldary bastalǵan.
7-synyptyń 12 jasar oqýshysy Iskra aýylynyń qoqys polıgonynan «BEN 10» kámpıtteri men bótelkedegi tátti spreı paketin tapqany anyqtalǵan. Artynsha balalar táttilerden ýlanǵan.
О́nimder tárkilenip, sot-medısınalyq saraptamalar taǵaıyndalǵan. Qazirgi tańda mektep oqýshylarynyń jaǵdaıy turaqty dep baǵalanǵan.
