foto: Májilistiń baspasóz qyzmeti
Máskeýde 2023 jylǵy 31 shildede qol qoıylǵan kelisim Eýrazııalyq ekonomıkalyq odaq aıasynda aýyl sharýashylyǵy salasyndaǵy yntymaqtastyqty jáne aýyl sharýashylyǵy ónimderiniń ózara saýdasyn damytýǵa baǵyttalǵan.
«Qujat qoıma kýálikterin berý, aınalymǵa shyǵarý jáne EAEO sheńberinde olardy ótelýin retteıdi, olarǵa qoıylatyn talaptardy aıqyndaıdy. Kelisimge boıynsha qoıma kýálikteri shyǵarylatyn aýyl sharýashylyǵy ónimderiniń túrleri múshe elderdiń ulttyq zańnamasyna sáıkes anyqtalady. Odan bólek, EAEO-ǵa múshe memleketter qatysýshy eldiń qoıma kýálikteri týraly málimetterdi biryńǵaı ınternet-resýrs arqyly alýǵa múmkindik beretin júıeni qamtamasyz etýge mindettenedi», dedi senator Zákirjan Kýzıev.
Eýrazııalyq ekonomıkalyq odaq memleketteri arasynda Kelisimdi júzege asyrý:
- qoıma kýálikteriniń turaqty aınalymyn qamtamasyz etýge, sondaı-aq olardyń ıelerine qarjylyq resýrstarǵa qol jetkizýin arttyrýǵa;
- aýyl sharýashylyǵy taýarlarynyń elektrondy saýdasyn damytýǵa;
- Qazaqstannyń qoıma kýálikterin Eýrazııalyq ekonomıkalyq odaq naryǵynda ilgeriletýge, qoıma kýálikteri kepilimen nesıe alý múmkindigin jasaýǵa jáne naryqtyń qolaıly jaǵdaıynda taýardy satý arqyly eldiń agrarlyq sektorynyń tabysyn arttyrýǵa yqpal etedi.
«Qazaqstandaǵy astyq qolhattary aınalymyn zańnamalyq retteý tájirıbesi - Kelisimniń negizi ekenin atap ótken jón. Jalpy, kelisimdi júzege asyrý memlekettik bıýdjetten qarjylyq shyǵyndardy talap etpeıdi, sondaı-aq, jaǵymsyz áleýmettik-ekonomıkalyq jáne quqyqtyq saldarlarǵa ákep soqtyrmaıdy», dep túıindedi sózin depýtat.
