Bul tehnologııa dıagnozdy erte anyqtap, emdeýdi ýaqytynda bastaýǵa múmkindik beredi. Algorıtm pasıentterdiń daýysy men mı belsendiligi týraly málimetterdi paıdalanyp, test júrgizedi. Test nátıjesi 97 paıyz dál aqparat beredi. Ǵalymdar osy ádis arqyly dıagnoz qoıyp qana qoımaı, nátıjeni dárigerler em-shara jasaıtyn kezde nazarǵa alýyn qamtamasyz etpekshi. Sonymen qatar 40 mınýttyq seanspen kúızelisti emdeıtin qurylǵy da ázirlengen.
«Microsoft Teams»-tyń jańa múmkindigi
«Microsoft Teams» qatysýshylarǵa onlaın kezdesýde tańdaǵan tilde sóıleýge jáne tyńdaýǵa múmkindik beretin jańa fýnksııasyn tanystyrdy.
Jasandy ıntellekt negizinde jasalǵan júıe sózdi aýdaryp, daýysty ımıtasııalaıdy. Alǵashqy nusqasy 2025 jyly iske qosylady dep josparlanǵan. Bastapqyda 9 tilde qoljetimdi bolady. Al keıinnen 31 tilge deıin artady. «Copilot» júıesi ekrandaǵy kontentti taldap, málimetterdi qysqasha mazmundaıdy, al «Super Resolution» fýnksııasy beıneniń sapasyn jaqsartady.
Eń qýatty kún elektr stansasy
«CHN Energy» 3 GVt qýatty, 1,6 mıllıard dollarlyq «Mengxi Lanhai» kún elektr stansasyn iske qosty.
70 sharshy shaqyrym aýmaqty alyp jatqan stansa 5,9 mıllıon panelden turady. Jyl saıyn 5,7 TVt·ch energııa óndirip, 2 mıllıon úıdi elektrmen qamtamasyz etedi. Joba Qytaıdyń batysynan shyǵysqa energııa tasymaldaý baǵdarlamasynyń aıasynda júzege asyrylǵan. Eń qyzyǵy stansada robottar men drondar jumys isteıdi. Olar panelderdi tazalap, tekserý júrgizedi.
