Semeı qalasy ákimdiginiń deregine súıensek, jaqynda 18 jańa avtobýs satyp alyndy, onyń 10-y úlken, 8-i kishi klasty. Olar jaqyn arada jelige shyǵyp, qala halqyna qyzmet ete bastaıdy. О́tken jyly tasymaldaýshy mekeme 70 avtobýs satyp alsa, bıyl avtoparkter 90 avtobýsqa jańaryp otyr.
«Jalpy, biz 160 avtobýs aýystyrdyq, bul – kólik parkiniń shamamen 50%-yn quraıdy. Jańa shaǵyn aýdandar, aıtalyq, Komsomol kenti, Qaraǵaıly qoǵamdyq kólikpen qamtylyp otyr, ótken jyly №45 marshrýtty iske qostyq, bıyl №10 marshrýtty iske qosyp jatyrmyz. Sonymen qatar qoǵamdyq kólikti damytý jónindegi jańa, keshendi jospar daıyndalady, sonyń aıasynda jańa marshrýttar ashylady. Bıyl tasymaldaýshylar sýbsıdııa alyp, kólik parkin jańartý jumystaryn júrgizip jatyr. Eki jyl buryn avtobýs marshrýttarynyń tehnıkamen qamtylýy 50% bolatyn, qazirde bul kórsetkish 75%-dan joǵary», deıdi qala ákimi Nurbol Nursaǵatov.
«Avto Trans Semeı» JShS avtoparki túrli deńgeıdegi 300-ge jýyq avtobýspen qamtylǵan, shamamen 300 júrgizýshi jumys isteıdi. Degenmen D sanatty júrgizýshiler tapshy. Búginde kúni júrgizýshilerdiń aýysymdyq jumys kestesi qarastyrylyp jatyr. Mamandar jumysshylar sany jetkilikti bolǵan jaǵdaıda qyzmet kórsetý eki aýysymmen júretinin aıtady. Sonymen qatar kelesi jyly orta klasty 40-50 avtobýs satyp alý josparlanyp otyr. Buǵan sebep qazirgi ýaqytta qoldanystaǵy avtobýstardyń resýrsy taýsylýǵa jaqyn.
Semeı qalasynda keler jyldyń 1 qańtarynan bastap qoǵamdyq kólikti sýbsıdııalaýdyń jańa modeli engiziledi. Bul týraly Abaı oblystyq kommýnıkasııalar qyzmetinde ótken baspasóz jıynynda málim etildi. Semeı qalasy ákiminiń orynbasary Ádilet Turysbek sýbsıdııalaý júıesimen tasymaldaýshylardyń avtoparkterin jańartýǵa múmkindik bar ekenin atap ótti.
«Qalada elektrondyq bılet júıesi barlyq marshrýtta jumys istep jatyr. Biryńǵaı dıspetcherlik, baqylaý qyzmetine keler bolsaq, avtomobıl joldary jáne júk kóligi bóliminiń jolaýshylar tasymaldaýdy baqylaý ortalyǵymen kelisimsharty bar, ol dıspetcherlik, baqylaý qyzmetin atqarady. Barlyq málimet sol jerden tapsyrys berýshige beriledi, ol óz kezeginde osy málimetterge sáıkes qarjy qarajatyn retteıdi», deıdi Á.Turysbek.
2025 jyly qaladaǵy marshrýttyq jelilerdi ońtaılandyrý josparlanyp otyr. Osy maqsatta másele týdyratyn marshrýttar men ýchaskeler zerttelip, tıisti sharalar qabyldanady. Ákimdik málimetinshe, osy ýaqytqa deıin tasymaldaýshylar bir jolaýshyǵa tarıf esepteý negizinde sýbsıdııa alyp kelse, jańa sýbsıdııalaý modeline kóshý arqyly tasymaldaýshylar ózderiniń júrgen kılometrin kóbeıtýge, al sol arqyly sýbsıdııa kólemin arttyrýǵa múddeli bolady.
SEMEI
