foto: centeraktiv.kz
Premer-mınıstrdiń orynbasary – ulttyq ekonomıka mınıstri Nurlan Baıbazarov Úkimet Ulttyq bankpen jáne jergilikti atqarýshy organdarmen birlesip, ishki naryqty taýarlarmen qamtamasyz etý, básekelestikti qorǵaý, syrtqy saýdany jáne tarıfterdi retteý esebinen ınflıasııany tejeý jónindegi sharalar keshenin iske asyrýdy jalǵastyratynyn aıtty. Osyndaı áreketterdiń arqasynda Qazaqstanda 2023 jylǵy jyldyq ınflıasııa jylyna 20,3%-dan 9,8%-ǵa deıin tómendegeni jáne 2024 jylǵy 11 aıdyń qorytyndysy boıynsha 8,4%-dy quraǵany atap ótildi.
«Úkimet jaǵdaıǵa monıtorıng júrgizedi ári áleýmettik mańyzy bar ónim túrleri boıynsha ekonomıkadaǵy baǵalardy tejeýge baǵyttalǵan sharalar qabyldaıdy. Áleýmettik mańyzy bar azyq-túlik taýarlarynyń baǵasyn tejeý úshin qysqy jáne kóktemgi maýsymaralyq kezeńge qaraı jetkilikti kólemde qalyptasqan jańa ónim qory shyǵarylatyn bolady. Turaqtandyrý qorlarynyń, saýda obektileriniń qoımalarynda jáne aýyl sharýashylyǵy óndirýshilerinde 29 negizgi túri boıynsha 826 myń tonnadan astam azyq-túlik saqtalady. Bul qorlar saqtaý merzimderin eskere otyryp únemi tolyqtyrylyp otyrady jáne elimizdiń qajettilikterin birneshe aıǵa qamtamasyz ete alady. Sondaı-aq jańa jyldyq merekeler qarsańynda baǵanyń yqtımal ósýin tejeý úshin qosymsha sharalar qabyldanýda. О́ńirlerde turaqty aýylsharýashylyq jármeńkeleri uıymdastyrylady. Qysqy kezeńde jáne maýsymaralyq kezeńde baǵany odan ári turaqtandyrý úshin aqpan aıynyń basynda turaqtandyrý qorlarynan kókónisterdi bosatýdy bastaý josparlanýda, bul naryqty qajetti ónim kólemimen qamtamasyz etýge jáne baǵa aýytqýlarynyń aldyn alýǵa múmkindik beredi», dep atap ótti Nurlan Baıbazarov.
О́ńirlik komıssııalar baǵanyń ósýine taldaý júrgizedi, ónimsiz deldaldar anyqtalady jáne saýda ústemesiniń asyp ketý faktileri qaralady. Atalǵan komıssııalardyń qyzmeti osy jyly baqylaý-fıskaldyq jáne kúshtik organdardy tartý esebinen kúsheıtildi. Maýsymaralyq kezeńde ishki naryqty kókónistermen qamtamasyz etý maqsatynda jaqyn shetelden erte kókónisterdi jetkizý úshin «jasyl dáliz» uıymdastyrylady. Budan basqa, saýda salasynda bıznespen tyǵyz ózara is-qımyl júzege asyrylady.
