QR Ǵylym jáne joǵary bilim mınıstrligi "bilim granttarynyń sanyn ulǵaıtý – úzdiksiz júretin prosess" dep otyr. Ári ol suranysqa saı ósedi.
– Qazaqstan Respýblıkasynda joǵary bilimdi jáne ǵylymdy damytýdyń 2023-2029 jyldarǵa arnalǵan tujyrymdamasyna sáıkes, suranysy bar daıarlaý baǵyttary, onyń ishinde tehnıkalyq baǵyttar boıynsha joǵary bilim alý úshin memlekettik bilim berý granttary sanyn ulǵaıtý (2029 jylǵa qaraı keminde 75 myń) eskerilgen, – delingen vedomstvo aqparatynda.
Aıta keteıik, 2024-2025 oqý jylynda bilim berý granttarynyń sany ótken jylmen salystyrǵanda 5000-ǵa artyp otyr.
Bıyl grant taǵaıyndaý konkýrsyna 104 myńnan asa talapker qujat tapsyrsa, bul ótken jylǵa qaraǵanda 10 myńǵa artyq ekenin kórsetken. Konkýrs nátıjesinde 79 myńǵa jýyq bilim granty úlestirilgen. Memlekettik granttardyń respýblıkalyq komıssııa otyrysynyń qorytyndysy negizinde taǵaıyndalatyny belgili. Osy jylǵy eń kóp konkýrs "Stomatologııa" mamandyǵynda bolǵan.
