Foto: Kazpost
Túzetýge saı poshta jóneltilimin jetkizý jáne tapsyrý rásimi ońaı bolmaq. Endi parol (pın-kod) engize otyryp, sálemdemeni quqyqty rastaý prosesi arqyly kelisim alý jolymen adresattarǵa, olardyń zańdy ókilderine, senim bildirilgen ókilderge ne úshinshi tulǵalarǵa berýge boldy.
«Poshtamattardy kóppáterli turǵyn úılerde ornalastyrý normalary da naqtylanady. Ǵımarattardyń, qurylysjaılardyń, páterlerdiń jáne turǵyn emes úı-jaılardyń menshik ıeleri poshta operatorlaryna poshtamattardy sharttyq negizde ornatý úshin alańdar bere alady», delingen Májilis habarlamasynda.
Sondaı-aq «Poshta týraly» zańnan poshta jáshikteri arqyly qarapaıym hattardy jiberý azaıǵanyna baılanysty kútip-ustaý shyǵyndaryn jáne poshta bólimshelerinde hattardy qabyldaý múmkindigin eskere otyryp, bul normalardy zań mátininen alyp tastaý usynyldy. Al kóppáterli turǵyn úılerde ornalasqan abonenttik jáshikter týraly erejeler ózgerissiz qalady.
