«Eldiń shyǵys jartysynda atmosferalyq fronttardyń ótýine baılanysty turaqsyz aýa raıy saqtalady, ońtústik-shyǵys pen shyǵysta da qar jaýyp, kóktaıǵaq bolady», dep habarlady «Qazgıdromet» RMK.
Antısıklonnyń áserinen elimizdiń batys jartysynda jaýyn-shashynsyz aýa raıy kútiledi. Jalpy respýblıka boıynsha tuman kútiledi. Batysta, ońtústikte jáne shyǵysta jel kúsheıedi.
Astanada kóshpeli bult shyǵady, keı ýaqytta azdap qar jaýady. Soltústik-batystan 3-8 m/s jel soǵady. Aýa temperatýrasy túnde -16-18°, kúndiz -12-14°.
Almatyda túnde bultty, qar jaýady. Kúndiz bultty, qar jaýady, keıde qalyń, tuman túsedi, joldar kóktaıǵaq bolady. Ońtústik-shyǵystan 0-5 m/s jel soǵady. Aýa temperatýrasy túnde -3-5°, kúndiz -3-5°, odan ári tómendeıdi.
Shymkentte kóshpeli bult shyǵady, keı jerlerde qar jaýyp, tuman túsip, kóktaıǵaq bolady. Soltústik-shyǵystan 5-10 m/s jel soǵady. Aýa temperatýrasy túnde jáne kúndiz -3-5°.
