Kitap oqýǵa baýlıtyn kompanııa

Prezıdent sóziniń aıqyn bir dáleli retinde Rýd­nyı qalasynda 8-11 synyp oqýshylary arasynda ótken «Beıimbet oqýlaryn» aıtýǵa bolady. Kórnekti qalamgerdiń 130 jyldyǵyna oraılastyrylǵan bilim jarysyna qarjy bólip, uıymdastyrǵan Astana qalasyndaǵy «Qazaqstan Construction Holding» seriktestigi ekenin de aıta ketý kerek. Baıqaýdyń ashylý rási­minde buǵan aıryqsha toqtalyp ótken qalalyq bilim bóliminiń basshysy Temirhan Jaılybaev: «Búginde Rýdnyıda úsh qazaq mektebi, qaladan 60 shaqyrym jerdegi Qashar kentinde taǵy bir qazaq mektebi bar. Qalǵan jeteýi – aralas mektep. Keıbir aralas mektepterde qazaq synyptary basym. Bul – keleshekte Rýdnyıda qazaq mektepteriniń kóbeıe túsetinin kórsetip otyr. Oblys kóleminde jasóspirimderdi kórkem kitap oqýǵa yntalandyratyn jaqsy jobalar júrip jatyr. Alaıda «Beıimbet oqý­larynyń» jóni bólek. Biz iri kásip­oryn­dardy shaqyryp keltire almaı júr­gende, «QC Holding» kompanııa­sy mektepke ózi kelip búgingi ónegeli is-sharaǵa muryndyq bolyp otyr. Kitap­qa qurmet kórsetip otyrǵan kom­panııa basshylaryna búkil qala oqý­shy­larynyń atynan shynaıy alǵys bil­diremiz», dedi.

Atalǵan seriktestik qazir Rýdnyı qalasynda 4 úı salyp jatyr. Kompanııa basshylyǵy eski keńes dáýirinen qalǵan kóshe ataýlaryn ózgertýge qulyqsyz qaladaǵy jańa turǵyn úı keshenderine «Álıhan», «Ahmet», «Aıat», «Tobyl» degen ataý berýdi uıǵaryp otyrǵany da qýantarlyq jaıt.

Balalardyń kitapqa súıispen­shili­gin arttyrýdy kózdep otyrǵan qu­ry­lys kompanııasynyń «QC Read» jo­ba­syn aqyn Abylaı Maýdanov úılestirip, bastan-aıaq uıymdastyryp júrdi. Aıtýynsha, «Beıimbet oqýlary» Rýdnyıdan buryn Mańǵystaý obly­synyń Munaıly aýdanynda ótken. Oǵan 163 bala qatysyp, «Shuǵanyń belgisi», «Túıebaı», «Daýdyń basy Daı­rabaıdyń kók sıyry», «Talaq», «Áje», «Qara shelek», «Aıt kúnderi», «Kúlpash» syndy 8 shyǵarma boıynsha test tapsyryp, joǵary upaı alǵan oqýshylar jerebe arqyly esse jazǵan.

«Meni tańǵaldyrǵany ári qýant­qany, oqýshylardyń Beıimbet murasyna azat, jańasha kózben qarap, taldap, baǵa bere alǵany. Munaıly aýdanynda «Shuǵa­nyń belgisi» taqyrybyna 47 oqýshy esse jazdy. «Adam kúresý úshin týǵan. Shuǵ­a­nyń qateligi – mahabbaty úshin kúres­pegeni. Bul syn Ábdirahmanǵa da laıyq. Ekeýi sońyna deıin baqyt úshin kúres­kende, maqsatqa jeter edi. Beıimbet Maı­lın bizge osy oıdy jetkizdi» dep táp­sir­ledi keıbir qatysýshylar. «Bar kiná Esim­bekte. Ol óz baılyǵy jektilikti bola tura, odan ári baıı túsýdi kózdedi. Ondaı toıymsyzdar búgingi qoǵamda da bar. Baı­lyq­tyń túbine jetken eshkim joq. Áýeli, adam taǵdyry, balanyń baqyty birinshi oryn­da turýy tıis. Ol bolmaǵan jerde bári qur­dymǵa ketedi. Bılik, baılyqty kók­segen Esimbek aqyry quda­syz qaldy, qy­zy­nan da aıryldy. Bul ashy mysal­dan adamdar sabaq alý ke­rek» degen oqý­shy­lar da boldy», deıdi Aby­laı Maýdanov.

Beıimbet Maılın atyndaǵy jetinshi mektep-gımnazııa 2010 jyly «100 mektep» baǵdarlamasy aıasynda ashylǵan. Qazir 1 127 bala memlekettik tilde bilim alyp jatyr. 2019 jyly bilim ordasyna Beıimbet Maılın esimi berildi. Mektepte Beıimbettaný kabıneti jumys isteıdi. Mektep dırektory Qymbat Birmanovanyń aıtýynsha, munda 1-synyptan 11-synypqa deıingi balalarǵa fakýltatıv sabaqtary ótedi. Bı-aǵa mektebi – Qazaqstan IýNESKO klýbtary fede­ra­sııasynyń múshesi. Qazir osy klýb aıasynda ótip jatqan býk treıler bo­ıynsha oqýshylar Beıimbet shyǵar­ma­laryn oqyp jatyr. Onyń nátıjesi aldaǵy ýaqytta belgili bolady.

«Búgingi is-sharaǵa bizdiń mektepten 107 bala qatysyp jatyr. Bı-aǵa shyǵarmalarynyń tili jeńil, balaǵa uǵynyqty. Sol zamandaǵy eldiń tur­mys-tirshiligi, adamdar sanasyn­daǵy ózge­rister, aýyl turmysy shynaıy beril­gen ǵoı. Balalarmen áńgime­les­keni­mizde «Shuǵanyń belgisinen» basqa shy­ǵ­ar­malarynyń bári bizge óte jeńil deı­di. Birinshiden, jeke kompanııanyń bas­ta­masymen ­uıymdastyrylǵan mun­daı is-shara bizdiń óńirde birinshi ret ótip jatyr. Kompanııa basshylyǵynyń mektepke, bilim salasyna, bolashaq urpaq tárbıesine kóńil bólýi qýan­tady», deıdi mektep basshysy.

«QC Holding» kompanııasy pıar bóliminiń jetekshisi Aıza Ablakımniń sózinshe, kompanııa basshysy Nuralhan Ámirhanuly asa kitapqumar kisi eken. Bul ujymda mynadaı bir qyzyq dástúr qalyptasqan. Máselen, kompanııa basshysy ózi oqyp shyqqan kitaptardyń ishinen tańdap alyp jumysshylarǵa mynalardy oqıyq dep bes kitap beredi. Jumysshylar ony oqyp shyǵyp, artynan test tapsyrady. Eń joǵary upaı jınaǵan adamǵa 500 myń, keıde 1 mln teńge syıaqy beriledi.

«Qazir biz kezekti bes kitapty oqyp jatyrmyz. Erteń kadr bólimine osy balalar sııaqty otyryp test tapsyramyz. Bir kúni basshymyz menen «Biz balalar men jasóspirimderdiń kitapqa degen súıispenshiligin arttyryp, kórkem shyǵarma oqýǵa bet burýy úshin ne isteı alamyz, qandaı úles qosa alamyz?» dep surady. Men: «Balalar kitap oqymaıdy emes, oqıdy, biraq olardy yntalandyra túsý kerek. Mysaly, «Apple iPad», «Apple iPhone» sııaqty qymbat tehnologııany balalar da alǵysy keledi. Múmkin bireýdiń jaǵdaıy bolmaı jatqan shyǵar, múmkin bireýdiń áke-sheshesi saǵan áli erte dep aıtatyn shyǵar, biraq bala qyzyǵady ǵoı» dedim. Osylaısha, bıyl qyrkúıek aıynda Ábish Kekilbaıulynyń 85 jyldyǵy aıasynda «QC Read» jobasyn ótkizdik. Mun­daǵy «QC» – bizdiń kompanııanyń qys­qartylǵan ataýy, «Read» – oqý degen sóz. «Ábish oqýlarynan» ozyp shyqqan ­3 bala baǵaly syılyqtarǵa ıe boldy. Dál osy Beıimbet atamyzdyń atyndaǵy №7 mektepke qarama-qarsy, buıyrsa, eki tur­­ǵyn úı kóteriledi. Bireýi «Ahmet», ekin­­shisi «Álıhan» dep atalatyn bolady. Lenına 215-tegi turǵyn úı kesheni osy mekteptiń aldy­nan kórinip tur. Toǵyz qabatty bul úıdi jergilikti tur­ǵyn­dardyń bári «Lenına 215» dep atap ketken. Bas­qa ataýy joq. Bul úıdi kúrdeli jón­deýden ótkizip, «Maılın úıi» dep atadyq jáne osy úıge Beıimbet ata­myzdyń muralyn salǵyzdyq. Eń qyzy­ǵy, mural Beıimbet mektebiniń aldy­nan anyq kórinedi», deıdi Aıza Ablakım.

Rýdnyıda ótken «Beıimbet oqýla­ryna» qatysqan 172 balanyń ishinen ozyp shyqqan bes órenge kompanııa ókilderi «Iphone 15 PRO», «Apple iPad 2022» jáne úsh birdeı «Apple iPad 2021» tabys etti.

Qostanaı oblysy