2025 jyly aı saıyn shamamen 40 myńǵa jýyq úı satylyp kelgen edi. Tipti erekshe joǵary bolǵan jeltoqsandy eseptemegenniń ózinde, bıylǵy kórsetkishter áldeqaıda tómen. Iаǵnı halyqtyń úı alýǵa degen yqylasy azaıyp otyr.
Ulttyq statıstıka bıýrosynyń málimetine súıensek, aqpanda 20 óńirdiń teń jartysynda saýda kemigen. Ásirese Shymkentte (–28,3%), Jambyl oblysynda (–15,8%), Qyzylorda oblysynda (–12,9%) qatty tómendegen. Al Abaı oblysynda (+20,4%), Soltústik Qazaqstanda (+14,2%) jáne Almatyda (+10,4%) kerisinshe, qozǵalys jandana túsken.
Oljas Bektenov: Aýyldyq jerlerdegi turǵyn úı qurylysyna kóńil bólý kerek
Satylǵan úılerdiń basym bóligi – páterler. Aqpanda 21 myńnan astam páter ótken. Bul qańtarmen salystyrǵanda sál az. Jeke úıler kerisinshe, azdap kóbeıgen – 6 myńnan asa kelisim jasalǵan. Eń kóp alynǵany – bir bólmeli páterler.
Byltyrmen salystyrǵanda da kórsetkish tómen. Jalpy saýda kólemi 5,5 paıyzǵa qysqarǵan. 20 óńirdiń 14-inde tómendeý baıqalsa, eń kóp azaıǵany – Ulytaý oblysy (–30,3%). Al Atyraý oblysynda ǵana ósim bar.
Mamandar muny jyl basyndaǵy ádettegi baıaýlyqpen baılanystyrady. Ádette kóktemge qaraı halyqtyń qozǵalysy kóbeıip, úı alý-satý qaıta jandanady.
