«Bolashaq» – durystyǵyn tanytqan baǵdarlama

Elbasy Nursultan Nazarbaevtyń atyna «Bolashaq» halyqaralyq stıpendııasynyń túlegi Dılıara Damınovadan hat keldi, dep habarlady Prezıdenttiń baspasóz qyzmeti. Hat avtory óziniń 1999 jyly AQSh-taǵy Rochester tehno­logııa­lyq ınstıtýtynyń magıstratýrasyn «týrızm jáne qonaqjaılyq»  mamandyǵy boıynsha úzdik bitir­genin aıtady. Qazaqstanǵa kelgen soń D.Da­mı­nova alǵan bilimin tájirıbe júzinde qoldanyp, birqatar mekemelerde jumys isteıdi, al 2008 jyly kandıdattyq dıssertasııa­syn qorǵaıdy. Onda qoryqtar men ulttyq saıa­baq­tardaǵy tý­rızmdi uıymdastyrýǵa arnalǵan usynymdar kórinis tapqan. Qazirgi ýaqytta ol ál-Farabı atyndaǵy Qazaq ulttyq ýnı­versıtetinde qonaqúı me­nedj­menti jáne týrızm páni­nen aǵylshyn tilinde sabaq beredi. «Biz 1998 jyly Sizge elimizdi órkendetý úshin bar kúsh-jigerimizdi jumsaýǵa ýáde berdik. Sizdiń bas­tamalaryńyz, atap aıtqanda, «Bo­lashaq» baǵdarlamasy jastardy damytý men qoldaý turǵysynan du­rystyǵyn ári kóregendikti tany­tatynyn aıtqym keledi. Al biz «Nurly Jol» Jańa Ekono­mı­kalyq Saıasaty men Qazaqstannyń álemdegi damyǵan 30 eldiń qata­ry­na enýin kózdeıtin «2050» Stra­te­­gııa­­syn jú­zege asyrýǵa úles qosa be­re­tin bola­myz», – delingen hatta. Sońynda avtor Memleket bas­shy­­syna densaýlyq jáne tabys ti­leı otyryp, óziniń elimiz­degi tý­rızmdi damytý salasyn­daǵy ǵylymı-zertteýlerin jalǵas­ty­ra­tynyn atap kórsetken.