Foto: Ashyq derekkóz
«Men tizimderdi túgendep, bir júıege keltirýdi tapsyrǵan bolatynmyn. Biraq, bul jumys áli aıaqtalǵan joq. Sondyqtan ony tezdetý kerek. Baspana kezeginde, shynymen muqtaj azamattar ǵana bolý kerek», dedi Oljas Bektenov.
Sonymen qatar Premer-mınıstr qurylys salasynda jańa nysandar salý jáne qajetti ınfraqurylymmen qamtamasyz etý boıynsha úılestirilgen jumystyń mańyzdylyǵyn basa aıtty. Sondaı-aq qurylys sapasyna erekshe nazar aýdarý kerektigin atap ótti.
«Sońǵy jyldary ereje talaptarynyń buzylýyna jáne qurylys nysandarynyń ýaqtyly iske qosylmaýyna qatysty shaǵymdar sany kóbeıip barady. Bul máselelerdi júıeli túrde sheshý qajet. Jańa Qurylys kodeksiniń jobasynda qurylys sapasyna baqylaýdy kúsheıtý, salany sıfrlandyrý, sáýlettik qadaǵalaýdyń tıimdiligin arttyrý boıynsha sharalar kesheni kózdeldi», dedi Oljas Bektenov.
