Fotolar: yandex.kz
Mereıtoıǵa elimizdiń mádenıet jáne óner qaıratkerleri, elordalyq maslıhat depýtattary, atalǵan saraıdyń ardagerleri jáne jastar uıymdarynyń ókilderi qatysty. Astana qalasynyń ákimi Jeńis Qasymbektiń arnaıy izgi tilegin qalalyq máslıhat tóraǵasy Erlan Kanalımov jetkizip, saraı ujymy men jınalǵan qaýymdy mereıtoımen quttyqtady.
«Búginde «Jastar» Saraıy – jastardyń shyǵarmashylyq jáne sporttyq áleýetin damytýǵa arnalǵan zamanaýı keshen. Elordamyzdyń mádenı jáne qoǵamdyq ómiriniń ajyramas bóligi retinde jastardy shabyttandyryp, rýhanı damýǵa yqpal etý turǵysynda erekshe oryn alady. «Jastar» Saraıynyń ujymy kásibı sheberligimen, belsendiligimen jáne óz isine degen adaldyǵymen osy jyldar ishinde kóptegen jetistikterge qol jetkizdi», dedi qalalyq máslıhat tóraǵasy.
«Jastar» Saraıy – jas talanttardy qoldaýǵa arnalǵan erekshe mádenı orda, halyq pen óner arasyndaǵy altyn kópir. Jarty ǵasyr boıy elorda turǵyndarynyń súıikti mekenine aınalǵan ǵımarat – óner men shyǵarmashylyqty damytý ortalyǵy bolyp qana qoımaı, kóptegen elimizge tanymal ónerpazdardyń alǵashqy qadamyn jasaǵan alań bolyp esepteledi.
Merekelik keshte «Astana» estrada-sımfonııalyq orkestri, «Terra» bı teatry, «Jiger» estradalyq-djaz ansambli jáne t.b. ártister óner kórsetti. Sondaı-aq tarıhı qujattar, estelikter, saraıdyń mádenı jetistikterin kórsetetin arnaıy kórme uıymdastyryldy.
