Atalǵan dron óristegi tórt túlikti sanap, túgendeıdi, aýyryp turǵan maldy anyqtaıdy, tipti otardan bólinip qalǵan qoıdy taýyp beredi. Eń bastysy, bul qurylǵy kez kelgen aýa raıyna tótep beredi. Aıta keteıik, ınnovasııalyq joba jýyrda ǵana Qytaıda ótken saıysta 1 500 startaptyń arasynan top jaryp, ekinshi oryndy jeńip aldy.
It as pa, dos pa?
Ońtústik Koreıada ıt ósirýge, soıýǵa jáne taǵam retinde satýǵa tyıym salyndy. Jańa zań 2027 jyly tolyq kúshine enedi.
Erejege sáıkes, ıtti soıǵan quqyq buzýshylar 3 jylǵa deıin bas bostandyǵynan aıyrylady nemese 22 myń AQSh dollary kóleminde aıyppul tóleıdi. Al onyń etin tutyný úshin janýardy baǵyp-baptaǵandar 2 jylǵa deıin túrmege toǵytylady, bolmasa 15 myń AQSh dollary kóleminde aıyppul arqalaıdy.
Muz festıvali
Qytaı keıingi jyldary qysqy týrızmdi damytýǵa kádimgideı den qoıǵan. Sonyń arqasynda kórshi memleket 2030 jylǵa qaraı 200 mıllıard dollardan asa tabys tabýdy kózdeıdi.
Qytaıdyń Harbın qalasynda jyl saıyn ótetin erekshe muz festıvaline qyzý daıyndyq júrip jatyr. Atalǵan is-sharany kórýge jyl saıyn myńdaǵan týrıst aımaqqa aǵylady. Bıylǵy festıvalde kelýshiler nazaryna 260-tan astam muzdy músin usynylmaq. Ol 1 mıllıon sharshy metr aýmaqty qamtıdy. Aıta keteıik, aýqymdy is-shara jeltoqsan aıynyń ortasynda bastalady.
