foto Senattyń baspasóz qyzmeti
Otyrys barysynda «Qazaqstan Respýblıkasy men Azııa Damý Banki arasyndaǵy qaryz týraly kelisimdi ratıfıkasııalaý týraly», «Qazaqstan Respýblıkasy men Azııa Infraqurylymdyq Investısııalar Banki arasyndaǵy qaryz týraly kelisimdi ratıfıkasııalaý týraly» jáne «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy qaryz týraly kelisimdi («Inklıýzıvti jáne turaqty ekonomıkalyq ósý» atty damý saıasatyn qarjylandyrýǵa arnalǵan qaryz) ratıfıkasııalaý týraly» zańdar qaraldy.
Talqylaý kezinde depýtattar bul kelisimderdi ratıfıkasııalaý Qazaqstanǵa bıýdjettiń teńgerimdiligi men eldiń áleýmettik-ekonomıkalyq turaqtylyǵyn qamtamasyz etýge jáne strategııalyq basymdyqtardy odan ári iske asyrý úshin josparly kezeńge arnalǵan respýblıkalyq bıýdjet tapshylyǵynyń bekitilgen mólsheri sheńberinde qaryz alýǵa múmkindik beretinin aıtty. Tartylatyn qaryzǵa qyzmet kórsetýdi jáne óteýdi Qarjy mınıstrligi Qaryz týraly kelisimde belgilengen qarjylyq sharttarǵa sáıkes kezekti qarjy jylyna arnalǵan respýblıkalyq bıýdjette kózdeletin qarajat esebinen júzege asyrady.
Sonymen qatar senatorlar «Qazaqstan Respýblıkasynyń keıbir zańnamalyq aktilerine Memlekettik bilim berý jınaqtaý júıesi, aqparat, qoǵamdyq damý, mádenıet jáne arhıv isi salalarynda artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» týraly zańdy qarady.
Zań qoǵamdyq damý, mádenıet, memlekettik bilim berý jınaqtaý júıesi salasyndaǵy qoldanystaǵy normatıvtik quqyqtyq bazany jetildirýge baǵyttalǵan. Atap aıtqanda, osy zań arqyly «Keleshek» biryńǵaı erikti jınaqtaýshy júıesiniń qyzmetin quqyqtyq retteý kózdelip otyr. Mundaı júıeni qurý jóninde Memleket basshysy óziniń «Ádiletti Qazaqstannyń ekonomıkalyq baǵdary» atty Joldaýynda aıtqan bolatyn.
«Keleshek» baǵdarlamasy joǵary bilim alýdy, kolledjde nemese magıstratýrada oqýdy qosa alǵanda bilim berý jınaqtaryn qalyptastyrýǵa arnalǵan. Bul rette memlekettiń, ata-analardyń jáne qarjy ınstıtýttarynyń qatysýy da kózdelgen.
«Maquldanǵan zańda birqatar salany bıýrokratııadan aryltýǵa arnalǵan túzetýler toptamasy qamtylǵan. Sondaı-aq Prezıdentimiz Qasym-Jomart Kemeluly Toqaevtyń Joldaýda júktegen tapsyrmasyn oryndaý maqsatymen «Keleshek» biryńǵaı erikti jınaqtaý júıesin engizý jóninde norma qarastyrylyp otyr. Aldaǵy ýaqytta zań azamattarǵa sapaly bilimniń qoljetimdiligin qamtamasyz etýge jáne memlekettik organdar qyzmetiniń tıimdiligin arttyrýǵa oń septigin tıgizedi dep senemiz», dedi Máýlen Áshimbaev.
Osylaısha, zań mádenıet, qoǵamdyq damý salasyn retteýdiń normatıvtik negizin tujyrymdamalyq turǵydan ózektendirýge múmkindik beredi. Sondaı-aq ulttyq zańnamany jáne onyń quqyq qoldaný praktıkasyn odan ári jetildirýge yqpal etpek.
