Foto: gov.kz
Oqý-aǵartý mınıstrliginiń baspasóz qyzmetiniń málim etýinshe úsh kúnge sozylǵan bilim saıysynyń nátıjesi boıynsha eń joǵary baǵaǵa qol jetkizgen 197 oqýshy júldeger atandy, olarǵa 36 altyn, 65 kúmis, 96 qola medal tabystaldy.
«Úzdik olımpıadalyq komanda» nomınasııasy boıynsha I dárejeli dıplommen Almaty oblysynyń qurama komandasy marapattaldy. II dárejeli dıplom Túrkistan, Atyraý, Mańǵystaý oblystary komandalaryna, III dárejeli dıplom Qyzylorda, Soltústik Qazaqstan, Qostanaı, Batys Qazaqstan oblystary komandalaryna berildi.
7 jeńimpaz eldiń jetekshi joǵary oqý oryndarynyń rektorlyq granttaryna ıe boldy (SDU – 4, Halyqaralyq Q.A. Iаsaýı ýnıversıteti – 3).
Eske salaıyq, Respýblıkalyq olımpıada 13 pán boıynsha úsh kezeńde ótkizilip keledi. Bıyl mektepishilik kezeńge 99 264 oqýshy qatysyp, olardyń 53 593-i aýdandyq deńgeıge ótti. Oblystyq kezeńde 12 000 oqýshy baq synasa, fınaldyq kezeńge 1 000-ǵa jýyq oqýshy iriktelgen. Qoǵamdyq-gýmanıtarlyq baǵytta 450, al jaratylystaný-matematıka baǵytynda 486 oqýshy bilim básekesine tústi. Barlyǵy eki baǵyt boıynsha 418 júldeger anyqtaldy.
Sońǵy kezeńge qatysýshy 940 oqýshynyń barlyǵy bolashaq ıntellektýaldyq jarystarǵa daıyndalý maqsatynda «Daryn» respýblıkalyq syrttaı mektebine qabyldandy. Al I dárejeli dıplom ıegerleri 2025 jyldyń naýryzynda ótetin jalpy bilim beretin pánder boıynsha respýblıkalyq olımpıadanyń sońǵy kezeńine qatysa alady.
