Úshem dúnıege keldi

Úshemderdiń anasy Zarına Mámbetova buǵan deıin bir qursaq kóterip, er balaǵa jaryq dúnıe syılaǵan. Endi otbasyn birden úsh ul tolyq­tyryp otyr.

«Alǵashqy bolyp týǵan Kárimniń salmaǵy – 2020 gramm, odan soń Ámir (2200 gramm), eń sońynda Taıyr (1660 gramm) dúnıege keldi. Anasy olardy júktiliktiń otyz tórtinshi aptasynda bosanǵanyn aıtyp ótken abzal. Qazir anasynyń jaǵdaıy da qalypty», dep málimdedi oblystyq perınataldyq ortalyq ókili.

Nárestelerdiń anasy mektepte ustaz bolyp qyzmet atqarsa, ákesi munaı-hımııa zaýytynda eńbek etedi.

– Qazir Kárim ekeýi­miz jańa týǵan nárestelerdiń patologııasy bólim­­­she­sin­demiz. Kárim qajetti em qabyldap jatyr, jaqyn arada aǵa­la­­ry­nyń qataryna qo­sylady. Jubaıym úıde sábılerin asyǵa kútip otyr. Biz nárestelerdi baǵyp-qaǵý qıyndyǵynan qoryqpaımyz. Bul ómi­rimizdegi eń ǵajaıyp kezeńniń biri bolǵaly tur. Sondyqtan balalardyń ákesi jumysynan bala kútimi boıynsha demalys resimdeýdi josparlap otyr. Oblystyq pe­rınataldyq orta­ly­ǵynyń ujymyna aman-esen bosandyryp alǵany, úsh ulymdy da dúnıege aman-saý ákelgeni úshin sheksiz rızashylyǵymyzdy bil­­­di­remiz. Munda óz isiniń mamandary eńbek etedi, – deıdi úshemniń anasy.

PAVLODAR