Foto: qadam.asia
Zań jobalaryn Prezıdent tapsyrmasyn oryndaý maqsatynda Ulttyq ekonomıka mınıstrligi ázirlegen.
Jobada Túrkistandy Qazaqstannyń rýhanı-mádenı, tarıhı jáne týrıstik ortalyǵy retinde qalyptastyrý, damytý jáne onyń jumys isteýi úshin quqyqtyq jaǵdaı jasaý kózdelgen. Tarıhı-mádenı murany qorǵaý jáne rýhanı nysandardyń qasıettiligin saqtaý da basty maqsat bolyp otyr.
Negizgi zań jobasy aıasynda qala aýmaǵyndaǵy tarıhı-mádenı eskertkishter olardyń quqyqtyq mártebesi, qorǵaý rejımi, paıdalaný tártibi jáne basqa da aspektilerin anyqtaıtyn sanattarǵa bólinedi.
Sonymen qatar Qoja Ahmet Iаsaýı kesenesiniń biregeıligin saqtaý jáne aınalasyndaǵy qurylysqa bógde elementterdiń enýine jol bermeý maqsatymen shekteýler engiziledi.
Atap aıtqanda, keseneniń qorǵaý aımaǵynyń shekarasynan 100 metr qashyqtyqta bıiktigi jeti metrden asatyn, sondaı-aq tarıhı eskertkishtermen aýqymy, túsi jáne qurylys materıaldary boıynsha úılespeıtin nysandardyń qurylysyna tyıym salynady.
