Fotolar: TJM
Vahtovka jáne «Trekol» jol talǵamaıtyn kólikteriniń kómegimen qutqarýshylar Yrǵaıty ýchaskesinde 1 jeńil kólik pen 30 júk kóliginen 40-tan astam adamdy Úsharal qalasyna jetkizgen. Arasynda 28 sheteldik bolǵan, olar Belarýs, QHR, Ázerbaıjan, Reseı azamattary. Eshkim medısınalyq kómekti qajet etpegen.
Budan bólek, Yrǵaıty men Jalańashkól arasynda 26 júk kóligi júrgizýshileri Kóktuma aýylyna evakýasııalanyp, olarǵa jergilikti atqarýshy organdar ystyq tamaq uıymdastyrǵan.
Taǵy bir iri qutqarý operasııasy júrgizildi. Dostyq stansııasyndaǵy №10 órt sóndirý bóliminiń kúshimen 2 jeńil jáne 19 júk kóliginen 69 adam, onyń ishinde Alakól shekara basqarmasynyń 20 áskerı qyzmetkeri evakýasııalanǵan. Zardap shekkender Dostyq stansııasyna jetkizildi.
TJM azamattardy daýyldy eskertýlerge nazar aýdarýǵa jáne aýa raıy kúrt nasharlaǵan jaǵdaıda saparǵa shyqpaýǵa shaqyrady.
