Foto: Úkimet
Qazirgi ýaqytta «Samuryq-Qazyna» AQ kompanııalar tobynyń ınvestısııalyq portfeli jalpy somasy 53,5 trln teńgeni quraıtyn 130-ǵa jýyq jobany qamtyp otyr.
Onyń ishinde Úkimettiń erekshe baqylaýynda turǵan 44 ınvestısııalyq iri jobanyń iske asyrylý barysy qaraldy.
Nurlan Jaqypov «Taldyqorǵan – Úsharal» magıstraldy gaz qubyryn salý jobasy boıynsha josparlanǵan 302 shaqyrymdyq gaz qubyrynyń 95,5 shaqyrymy tartylǵanyn, jumystar merziminen buryn júrgizilip jatqanyn da atap ótti.
Onyń sózinshe, «Dostyq – Moıynty» temirjol dálizin jańǵyrtý aıasynda josparlanǵan 836 shaqyrym joldyń 786 shaqyrymy salynyp, bul da osy kezeńdegi josparly kórsetkishterden asyp túsken.
Qyzylorda oblysynda elektr stansasyn salý sheńberinde 2024 jyly «Samuryq-Energo» AQ men qatarlyq ınvestor PIH arasynda qýaty 1 GVt jel elektr stansalaryn iske qosý jobasyn birlesip júzege asyrý týraly – Masdar (BAÁ) kompanııasymen birlesken joba boıynsha ınvestısııalyq kelisimge qol qoıylǵan.
Munaı-gaz-hımııasy, elektr energetıkasy, kólik-logıstıka, taý-ken, telekommýnıkasııa sektorlaryndaǵy iri ınfraqurylymdyq jobalardy iske asyrý úshin 2025-2029 jyldary Qordyń menshikti qarajatynyń 3,6 trln teńgesin qosqanda, shamamen 9,6 trln teńge ınvestısııalaý josparlanǵan.
Jıynda birqatar qujat qabyldanyp, qordyń aldaǵy kezeńge arnalǵan jumys jospary bekitildi.
