Foto: Mádenıet jáne aqparat mınıstrligi
Ol Saýd Arabııasynyń Jýbaıl qalasynda ótken Oqıtyn qalalardyń 6-shy halyqaralyq konferensııasyna (6th International Conference on Learning Cities) qatysty. Bul alańda turaqty damý, klımattyń ózgerýi jáne oqıtyn qaýymdastyqtar qurý máselelerin talqylaý úshin álemniń túkpir-túkpirinen sarapshylar jınaldy.
Platon Nechaev ekologııalyq jáne áleýmettik máselelerdi sheshý arqyly kreatıvti oılaýdy damytýǵa yqpal etetin, jańa býyn kóshbasshylaryn qalyptastyratyn «PLATON 5D oılaý» bilim berý baǵdarlamasyn tanystyrý úshin arnaıy shaqyryldy.
Sonymen qatar qaraǵandylyq oqýshy konferensııaǵa arnaıy «Ýaqyttyń sıqyrly kompasy» dep atalatyn jańa ertegisin usyndy. Platon Jýbaıl men Qaraǵandy balalary arasynda tájirıbe almasý maqsatynda eki qalada dostyq aǵashtaryn otyrǵyzýdy usyndy.
Aıta keteıik, Platon – Qazaqstannyń eń jas kreatorlarynyń biri. Onyń áńgimeleri ártúrli oqıǵalar men keıipkerlerge, súıikti qalasy Qaraǵandynyń tarıhyna arnalǵan.
Jas qalamger ıllıýstrasııalaryn jasandy ıntellekt kómegimen ózi jasaıdy eken.
