«Qurylysy uzaqqa sozylǵan eki turǵyn úı kesheniniń úleskerleriniń máselesin sheshtik. Olar – «Terrıtorııa komforta-1» (ekinshi kezek) jáne «Jaǵalaý 4» polıgon 3 kóppáterli turǵyn úı keshenderi. Eki úı de basynan bastap qaıta salyndy.
Máselen, «Terrıtorııa komforta» turǵyn úı kesheniniń qurylysy 20 jyl buryn bastalǵan. Úıdi tehnıkalyq tekserý kezinde nysannyń apatty jaǵdaıda ekeni anyqtaldy. Apatty turǵyn úı kesheniniń bloktaryn tolyqtaı buzý boıynsha aýqymdy jumys júrgizildi. Osyǵan deıin 1-kezektiń qurylysy aıaqtalǵan bolatyn. Ol kezde 100-den astam úlesker otbasy páter kiltin alǵan. Bıyl ekinshi kezektiń qurylysyn bitirdik. Osylaısha, 20 jylǵa sozylǵan eń problemaly turǵyn úı kesheniniń máselesi sátti sheshildi.
Al «Jaǵalaý 4» polıgon 3 qurylysy 10 jyl buryn bastalǵan. Josyqsyz áreket saldarynan merdigerler aýysyp, úıdiń paıdalanýǵa berilý merzimi ózgerdi. Turǵyndardyń jalpy jınalysynda úleskerlerdi jańa «E16, E17, E32» TK-ǵa kóshirý týraly sheshim qabyldanǵan. Osylaısha, úleskerler kópten kútken baspanalarynyń kiltin aldy. Aýmaqty abattandyrý kóktemde jalǵasady.
Qurylysy uzaqqa sozylǵan nysandardyń máselesi Memleket basshysynyń baqylaýynda. Sońǵy jyldary osyndaı 140-tan astam turǵyn úı kesheni halyq ıgiligine berildi. Kópten kútken páter kiltin 15,5 myńnan asa úlesker otbasy aldy. Qalǵan birneshe úıdi jyl sońyna deıin aıaqtaýdy josparlap otyrmyz», dep jazdy Jeńis Qasymbek.
