О́nerkásip órisi keńeıip keledi

Ǵylymı zertteýler negizinde sheshim qabyldandy

Biryńǵaı ýaqyt beldeýin engizý máselesin Qostanaı oblysynyń turǵyndary buryn da kótergen. О́ıtkeni buǵan deıingi 6-shy ýaqyt beldeýi tabıǵı ýaqytqa sáıkes kelmedi. Osylaısha, biryńǵaı ýaqyt beldeýine kóshý týraly sheshim kúndelikti turmystyq úderisterdi jeńildetti. Osyǵan baılanysty kezdesýge qatysýshylar biryńǵaı ýaqyt beldeýin qoldap sóz sóıledi.

Premer-mınıstr turǵyndarmen áńgimelesý barysynda tabıǵı ýaqyttyń azamattardyń densaýlyǵy men ál-aýqatyna oń áseri ǵylymı dáleldengenine toqtala kelip, oblys turǵyndary men barsha el azamattaryna atalǵan mańyzdy sheshimdi túsinip, qoldaǵany úshin alǵys bildirdi.

«Sheshim Qazaqstanda ǵana emes, shetelderde de júrgizilgen óte tereń ǵylymı zertteýler negizinde qabyldandy. 2017 jyly amerıkalyq ǵalymdar toby adamnyń sırkadtyq yrǵaǵyn zerttegeni úshin Nobel syılyǵymen marapattaldy. Bul zertteýde ǵalymdar tabıǵı ýaqytta ómir súrgen kezde adam úshin eń jaqsy jáne paıdaly ekenin dáleldedi. Sondyqtan qazir álemniń progressıvti elderi tabıǵı ýaqyt beldeýine kóshýge umtylýda. Qazaqstan úshin tabıǵı ýaqyt beldeýi – biz qazir ómir súrip jatqan UTC+5 bolyp tabylady. Buryn ózderińiz biletindeı, biz basqa UTC+6 beldeýinde boldyq. Kezinde elimiz dırektıvalyq tártipte biz úshin tabıǵı emes beldeýge aýystyryldy. Qazir, kerisinshe, biz ýaqytty kún sıkline sáıkes keltir­dik. Men biryńǵaı ýaqyt beldeýine

aýysý keıbir adamdarǵa yńǵaısyzdyq týdyrýy múmkin ekenin túsinemin. Aǵza birtindep úırenedi. Osyndaı sheshim qabyldandy. Eger óńirlerde qandaı da bir qolaısyzdyqtar bolsa, bizdiń eńbek zańnamamyz múmkindik beretin ınfraqurylymdy, jaryqtandyrýdy, yńǵaıly kesteni uıymdastyrý arqyly jumys isteý qajet. Osy máselelerdiń barlyǵyn ári qaraı sheshemiz», dedi Premer-mınıstr.

Alty birdeı iri ındýstrııalyq joba iske asyryldy

Úkimet basshysy Prezıdent Joldaýynda aıtylǵan ónerkásip salasyn damytý, joǵary qaıta óńdeýdi ıgerý jáne lokalızasııa deńgeıin arttyra túsý jónindegi tapsyrmalardyń oryndalý barysyn tekserdi.

Premer-mınıstrge bıylǵy 11 aıda Qostanaı oblysynda ónerkásip ónimin óndirý kólemi 2,5 trln teńgege jetkeni, óńdeý ónerkásibiniń úlesi 72%-dan asqany baıandaldy. Osy jyly óńirde quny 124,7 mlrd teńge bolatyn 6 ındýstrııalyq joba iske asyrylyp, 1 301 jumys orny ashyldy.

«Caspian Steel QZ» armatýra zaýytyna barǵan Oljas Bektenov kásiporyn­daǵy tehnologııalyq úderispen jáne kompa­nııanyń bolat daıyndamasyn shyǵa­ra­tyn jańa zaýyt salý jónindegi jospary­men tanysty. Armatýra zaýyty jyly­na 450 myń tonna ónim shyǵarady. Mysa­ly,  bıylǵy 10 aıdyń ishinde 311,4 myń ton­na bolat ılem jáne 10,9 myń tonna met­all synyqtary óndirildi. Zaýyt ónim­deri ishki qajettilikterdi ótep qana qoı­maı, syrtqy naryqqa da shyǵaryla­dy. Máselen, jyl basynan beri 32 mlrd teńgeden astam somaǵa 112,6 myń tonna usaq surypty ılem eksporttalǵan.

Kompanııa basshylyǵy josparlap otyrǵan bolat buıymdar óndiretin jańa kásiporynnyń boljamdy qýaty jylyna 1 mln tonnany quraıdy. «Caspian Group» kompanııasynyń dırektory Aleksandr Kım jobaǵa 650 mln dollar ınvestısııa salý josparlanǵanyn aıtty. Zaýyt iske qosylǵan soń, 600 adam jumyspen qamtamasyz etilip, merdiger uıymdarda taǵy 400 jumys orny ashylady. Kásiporynda jahandyq «jasyl» ekonomıkaǵa kóshý sheńberinde qorshaǵan ortaǵa áserin barynsha azaıtatyn sońǵy býyndaǵy elektr doǵaly peshterdi paıdalaný josparlanyp otyr. Jobany júzege asyrý shyǵarylatyn túpkilikti ónimdegi otandyq qamtýdy 99%-ǵa deıin arttyra otyryp, armatýra jasaý óndirisin lokalızasııalaýǵa múmkindik beretini aıtyldy. Sonymen qatar óńirdegi óńdeý ónerkásibiniń úlesi 12,3%-ǵa artady.

O.Bektenov ınvestısııalyq joba­nyń mańyzdylyǵyna toqtalyp, iri ındýstrııalyq óndirister tóńireginde shaǵyn jáne orta bıznes beldeýin qalyptastyrý qajettigin aıtty.

«Prezıdent Úkimetke ekonomıka­lyq ósýdiń jańa kózderin tabý týraly naqty mindet qoıdy. Árbir óńirdiń ózindik kúshti jaqtary bar jáne biz oblystyń, elimizdiń ekonomıkasyna jáne jalpy halyqtyń ál-aýqatyn jaqsartý jumystarynda naqty ósimge qol jetkizetin áleýetti barynsha ashýǵa tyrysamyz. Biz tańdaǵan ekonomıkalyq patrıotızm joly jańa otandyq zaýyttar men óndirister túrinde óz jemisin berýde, olar óz kezeginde aınalasynda taǵy bir ShOB bóligin damytýda. Munyń barlyǵy otandyq ekonomıkanyń ózin-ózi qamtamasyz etýin arttyrýǵa jáne ónimdi jumys oryndaryn qurýǵa múmkindik beredi», dedi Premer-mınıstr.

Úkimet basshysy odan keıin jylyna 45 myń tonna júk kólikterine arnalǵan shoıyn quımalaryn ón­di­retin «KamLitKZ» zaýytyna baryp, qara metallýrgııanyń damýymen tanysty. Premer-mınıstrge negiz­gi tehnologııalyq úderis avtokólik bólshekterin óndirýdiń tolyq sıklin qamtıtyny jáne ónimniń halyqara­lyq sapa standarttaryna sáıkes kelýin qamtamasyz etetini baıandaldy. 2025 jyly qýatty jylyna 75 myń ónimge deıin jetetin dálme-dál shtamptaýdyń ozyq tehnologııalaryn qoldanatyn ekinshi zaýytty iske qosý josparlanǵan.

Búginde Qostanaı oblysy mashına jasaý salasy boıynsha respýb­lı­kada kósh bastap tur. Premer-mı­nıstrge «Kia» avtokóligin óndiretin zaýyt salynyp jatqan ındýstrııalyq aımaq aýmaǵynda óńirdegi avtomobıl jasaý qarqyny týraly baıandaldy. Jobanyń jalpy quny 200 mln dollarǵa baǵalanyp otyr, onyń 80%-ǵa jýyǵy tikeleı sheteldik ınvestısııa. Kásiporyndy 2025 jyly iske qosylady dep josparlanǵan. Búginde negizgi óndiristik korpýsty salý, irgetasyn qalaý, sondaı-aq metall konstrýksııalaryn montajdaý jumystary aıaqtaldy. Oljas Bektenovke lak-boıaý óndirisin, onyń ishinde polımerli jabyndardyń barlyq túrlerin lokalızasııalaýdyń joǵary deńgeıin qamtamasyz etetin óndiristi qurý josparlary týraly baıan­daldy. Zaýyttyń tolyq jobalyq qýaty jylyna 70 myń avtokólikti quraıdy. Kásiporyn ónimderi shaǵyn torapty qurastyrý ádisin qoldana otyryp shyǵarylady. О́ndiris 68 robotpen jabdyqtalady. Zaýyt iske qosylǵanda joǵary aqy tólenetin 1,5 myń jańa jumys orny ashylady.

Premer-mınıstr elimizdegi avtomobıl shyǵaratyn jetekshi kásip­oryndardyń biri «SaryarqaAvtoProm» kompanııasynyń óndiristik qýatyn qarap shyǵyp, tolyq sıkl boıynsha avtokó­lik­ter qurastyrýdyń tehnologııalyq erek­she­likterimen tanysty. Zaýyttyń bas dırek­tory Syrym Semeıbaev 2024 jyly shy­ǵa­rylatyn ónim kólemin 90 myń avto­mo­bılge jetkizý josparlanyp otyr­ǵanyn aıtty. Kásiporyn «JAC», «Kia», «Chevrolet», «Jetour», «Hongqi», «Skoda» sııaqty brendterin shyǵaryp jatyr.

Premer-mınıstr óndiristi keńeıtý bilikti kadrlardy daıarlaý jáne ı­n­dýstrııalyq jobalardy iske asyrýǵa jastardy tartý boıynsha qatar júr­giziletin jumystarmen súıemeldenýge tıis ekenine toqtaldy. Oǵan  kásiptik-tehnıkalyq bilim berý, sondaı-aq «WorldSkills Kazakhstan» sheberlik chem­pıo­natynyń alańy tıimdi tetik bolyp sanalady. Oljas Bektenov sonymen qatar kásiporyndardyń tıimdiligi men shy­ǵa­ry­latyn ónim kólemin arttyrýǵa ba­ǵyt­tal­ǵan sıfrlyq sheshimderdi óndiris­ke engizýdiń mańyzdy ekenin atap ótti.

Qostanaı oblysy