Kommýnaldyq qyzmet kúsheıtilgen rejimge kóshti

Tolassyz jaýǵan qar­dan keıin elordadaǵy kom­mý­naldyq qyzmetter táýlik boıy kúsheıtilgen rejimde jumys isteýge kóshti. Mysa­ly, 21 jeltoqsanda elordadan 34 myń tekshe metrden astam qardy jumysshylar 2 833 reıspen alyp shyqqan. Al 22 jeltoqsanda kommýnaldyq qyzmetter elordadan 42 myń tekshe metr qar shyǵarǵan. Qar kúreýge 2 603 jol jumysshy men 1 595 arnaıy tehnıka ju­myldyrylǵan. Jalpy, qar túskeli qar kúreıtin mekeme­niń jumysshylary polıgondar­ǵa qaladan 105 695 reıs arqyly 1 mln 336 myń tekshe metrden astam qar shyǵarypty. О́z jumysyna ábden mashyqtan­ǵan jumysshylar eń aldymen, erejege sáıkes, joldarda keptelis bolmas úshin kólik kóp qatynaıtyn oryndardy tazartady. Sondaı-aq qarqyndylyǵy ortasha ýchas­keler – alańdar, vokzal mańy aýmaqtary, trotýarlar, áleý­mettik nysandarǵa kirme joldar jáne oryndar kezekpen qar qursaýynan bosap jatyr. Olar ortalyq kóshelerdi, jolaýshylar kóligi marshrýttary júretin oryndardy, aıaldamalar men trotýarlarda taza­laýǵa da basymdyq bergen.

Búginde qalada jabdyq­talǵan, qar jınaýǵa qolaıly birneshe polıgon bar eken. Olar samosval tehnıkasy­nyń nómirlik belgilerin oqý júıesimen jabdyqtal­ǵan. Iаǵnı polıgonǵa qandaı kólik kelgenin ajyratady. Polıgonda beınebaqylaý kameralary ornatylyp, jaryqtandyrylǵan. Qala ákimdigi elorda turǵyndary men qonaqtaryn jolda abaı bolýǵa, qaýipsizdik erejelerin saqtaýǵa, daýyldy eskertý bol­ǵan jaǵdaıda alys saparǵa shyqpaýǵa shaqyrady. Tóten­she jaǵdaı týyndasa, lezde «112» nómirine habarlasýdy eskertedi.

Aqparat úshin aıtar bol­saq, qar jaýǵan kúnderi erik­tiler elordanyń Baıqońyr aýdanynda turatyn qarttar­dyń aýlasyn qardan tazartyp jardemdesti. «Taza Qazaq­stan» ekologııalyq aksııasy aıasyndaǵy taǵy bir is-sharany Baıqońyr aýdanynyń ákimdigi men «Astana jastary» jas­tar resýrstyq ortalyǵy uıym­dastyrypty. Osy kúni erik­tiler qart turǵyndarǵa jańa jylǵa arnalǵan azyq-túlik sebetin tabys etýdi umytpaǵan. Munymen qoımaı, «Astana jastary» belsendileri qalany táýlik boıy qardan tazartatyn kommýnaldyq qyzmet mamandaryna da kómektesip júrgen kórinedi. Eriktiler tazalyqshylarǵa ystyq shaı men baýyrsaq taratý aksııalaryn birneshe márte ótkizgen. Negizi qala eriktileri jyl sa­ıyn qystyń qary qalyń tús­ken kúnderi qarap qalmaıdy. Olar elordanyń barlyq aýdanyn­da jalǵyz turatyn qarttar men kópbalaly analardyń aýla­laryn tazalap, jıi aksııalar uıymdastyryp turady. Bir­neshe kún ústi-ústine jaý­ǵan qardan keıin kún-tún demeı, kúsheıtilgen rejimde kó­she tazalaýǵa jumylǵan ju­mys­shylarǵa, osyndaıda qol-qýsyryp otyrmaǵan erik­tilerge bárekeldi degennen basqa aıtyrymyz joq.