«Talantty jas qaı kezde de qoǵamnyń qozǵaýshy kúshine aınalatyny belgili. Memleket basshysy Qasym-Jomart Toqaev óz salasynda úzdik sanalǵan jastardy qoldap keledi. Ushqyr oıly jastardy qanattandyrý, olarǵa qoldaý kórsetý jumysy Áýlıeata óńirinde de toqtaǵan emes. Bilimimen daralanyp, izdenisimen kózge túsken jastardy qoldaýǵa qaı kezde de daıynbyz. Olardyń bir bóligi búgin «Áýlıeata úzdigi» atanyp otyr», dedi óńir basshysy baıqaý laýreattaryn marapattaý rásiminde.
«Áýlıeata úzdigi» baıqaýynyń qorytyndysyna sáıkes «Jyldyń úzdik jas aqyny» atalymy boıynsha aqyn Araıly Jaqsylyq úzdik dep tanylsa, «Jyldyń úzdik jas jýrnalısi» atalymynda «Eýrazııa» telearnasynyń óńirdegi menshikti tilshisi Uldana Jubaı jeńistiń bıik tuǵyrynan kórindi. Al «Jyldyń úzdik jas sportshysy» atalymynda Beksultan Boranbaı jeńimpaz atansa, «О́ner salasynyń úzdik mamany» atalymy boıynsha Kenen Ázirbaev atyndaǵy oblystyq fılarmonııanyń ónerpazy Dıdar Basyqaraev top jardy. Budan ózge de birneshe atalym boıynsha jeńimpazdar qomaqty qarjylaı syılyqqa ıe boldy.
Saltanatty is-shara barysynda «Táýelsizdik urpaqtary» grantynyń ıegerleri de anyqtaldy. Naqtyraq aıtsaq, ǵylym baǵyty boıynsha Dáýlet Jamanqul, Shynar Toqtamys, mádenıet salasy boıynsha Aıana Kım, Aqarys Saılaý, medıa salasy boıynsha Mereı Baet pen Erqasym Ábdirahman úzdik shyqty. Grant ıegerleriniń barlyǵyna 1 mln teńgeniń sertıfıkaty tabystaldy.
Taraz
