Aıyrbastaýǵa shaǵym jıilegen

Bas banktiń aıtýynsha, eger banknottar búlinbegen, aınalymda jaramsyz dep tanylmaǵan bolsa, aıyrbastaýda esh kedergi týyndamaýǵa tıis. Komıssııa da ustalmaıdy. Eskerte keteıik, aıyrbastaý pýnktteri alatyn komıssııa banknottar jaramsyz bolǵan jaǵdaıda alynady.

Eger aıyrbastaý pýnkti komıssııa alsa nemese shetel valıýtasyn shyqqan jylyna qaraı qabyldasa, valıýta aıyrbastaý­dan negizsiz bas tartsa, sol aıyr­bastaý pýnkti ornalasqan jer­degi Ulttyq bank aýmaqtyq fılıa­lyna shaǵymdaný qajet. Aıt­­paqshy, shaǵymmen qatar barlyq qajet aqparat pen qu­­­jatty qosa kórsetkenińiz abzal. Sonda ǵana zańǵa sáıkes shara qoldanylady.

Kassa operasııalary men banknottardy, monetalardy jáne baǵaly zattardy ınkassasııalaý erejelerine sáıkes, bank klıentten qolma-qol aqsha qabyl­daý, klıentke qolma-qol aqsha berý sekildi kassa ope­­­­ra­­­sııa­­laryn júzege asyrady. Bular bank týraly zańnyń 30-babynda kórsetilgen.

Demek ekinshi deńgeıdegi bank­ter kassalyq operasııalardy jú­­­­zege asyrǵany úshin alynatyn ko­mıs­­sııalardy ózderiniń ishki ta­rıftik saıasatyna sáıkes belgi­leý­ge quqyly.