Foto:
Úkimet tarapynan 2024 jylǵy sý tasqyny saldarynan múlki zaqymdanǵan azamattarǵa jan-jaqty kómek kórsetildi. О́ńirlerde turǵyn úıler, áleýmettik nysandar jáne ınfraqurylym salý jáne qalpyna keltirý jumystary júrgizildi.
Máselen, 36 455 otbasyna jalpy somasy 13,3 mlrd teńge 100 AEK mólsherinde bir rettik áleýmettik kómek kórsetildi. 21 876 otbasyna 9,9 mlrd teńge kóleminde 150 AEK-ke deıingi ótemaqy tólengen. Bıylǵy tótenshe jaǵdaı jarııalanǵan sý basqan aımaqtarda ataýly áleýmettik kómek tóleý jergilikti komıssııanyń otbasylardyń materıaldyq jaǵdaıyn tekserýsiz avtomatty túrde III toqsanǵa uzartyldy. Mundaı sheshim nátıjesinde 3,6 myń otbasyna 655,7 mln teńge kólemindegi AÁK tólemi taǵaıyndalǵan.
«Sý tasqyny kezinde zardap shekken óńirlerde komıssııalar azamattardyń jalǵyz baspanasy sanalatyn 19 359 sý basqan úıler men saıajaı qurylystaryn tekserdi. Olardy baspanamen qamtamasyz etý maqsatynda jyljymaıtyn múlik naryǵynan 5 767 turǵyn úı satyp alyndy. Jóndeý jumystary 9 156 úıde nemese 100% aıaqtaldy. Bul maqsattarǵa barlyǵy 54,7 mlrd teńge bólindi. Sondaı-aq qysqa merzimde 64 mlrd teńgege turǵyndar úshin 2 680 jeke turǵyn úı salyndy», delingen habarlamada.
