Balany sýdan qutqarǵan batyr
Qazan aıynda 25 jastaǵy almatylyq Á.Jaqsylyq Esentaı ózenine batyp bara jatqan balany sýdan alyp shyqty. Qas-qaǵym sátte, esh oılanbastan sýǵa sekirip, erliktiń úlgisin kórsetken janqııarlyǵy úshin ol TJ mınıstriniń atynan «Sýǵa batqandardy qutqarǵany úshin» medalimen marapattaldy.
Jas jigittiń áreketi aınalasynda bolyp jatyrǵan oqıǵalarǵa beıjaı qaramaıtyn adamgershiligi mol, jaýapkershiligi joǵary qazaq azamattarynyń aramyzda bar ekenin kórsetti. Qanymyzǵa sińgen qaıyrymdylyq jasaý, qınalǵanǵa kómek qolyn sozý, syndarly sátte sheshim qabyldaı alý sekildi qasıetterdiń qazaq jigitteriniń boıynan tabylýy qashanda mańyzdy.
Mańǵystaýlyq karateshilerdiń jeńisi
Mańǵystaý oblysynyń sportshylary Sıngapýrde Sıto-rıý karateden ótken XVI Azııa jáne Muhıt elderiniń chempıonatyna qatysty.
О́zderiniń eńbekqorlyǵynyń arqasynda 27 elden kelgen 700 qatysýshynyń arasynan 9 sportshy júldeli oryndarǵa ıe boldy, atap aıtqanda: 6 birinshi oryn, 2 ekinshi jáne 1 úshinshi oryn.
Astanada úsh myńnan astam dombyrashy rekord ornatty
Astanada Qurmanǵazy Saǵyrbaıulynyń «Balbyraýyn» kúıin úsh myńnan astam dombyrashy bir mezette oryndady. Qazaqstan jeńil atletıkalyq sport kesheninde «Naǵyz qazaq – dombyra» atty aýqymdy is-shara ótti. Oǵan elordadaǵy dombyra úıirmesine baratyn balalar qatysty.
Qatysýshylardyń ónerin 8 sarapshy, 4 maman baǵalady. О́ner álemindegi bul jarqyn oqıǵa resmı túrde Qazaqstannyń Gınnes rekordtar kitabyna endi. Sonymen qatar, bul oqıǵa álemdegi eń úlken mýzykalyq rekordtardyń birine aınalýy múmkin.
Qazaqstandyqtardyń shahmat sportyndaǵy jeńisteri
Vengrııada ótken 45-shi shahmat olımpıadasy (45th FIDE Chess Olympiad) Qazaqstan úshin tamasha nátıjemen aıaqtaldy. Osylaısha, elimizdiń áıelder quramasy buryn-sońdy bolmaǵan nátıje kórsetip, Qazaqstannyń shahmat tarıhyndaǵy tuńǵysh Olımpıada kúmisin jeńip aldy.
Jarys barysynda qazaqstandyq áıelder segiz jeńis, eki teń oıyn jáne bir ǵana jeńilis tirkedi. Qazaqstan áıelder quramasynyń Dúnıejúzilik shahmat olımpıadasynda kúmiske qol jetkizgeni – qazaqstandyq shahmat sportynyń myqtylyǵyn búkil álemge pash etetin tamasha jetistik. О́te jas bolsa da, úlken psıhologııalyq qysymǵa jáne 11 matchtyq marafonǵa qaramastan, komanda 169 elden kelgen qarsylastarynan senimdi túrde ozyp, úzdik atandy.
Ishtegi náresteniń ómirin saqtap qalǵan tuńǵysh ota jasaldy
Qazaqstanda alǵash ret ishtegi náresteniń zár shyǵarý júıesiniń týa bitken aqaýyn túzetý úshin qursaqishilik aralasý júrgizildi. Toa UMC klınıkasynyń bazasynda Ana men bala ulttyq ǵylymı ortalyǵynda sheteldik mamandardyń qatysýymen sheberlik synyby aıasynda jasaldy.
Júktiliktiń 19-shy aptasynda áıel adamnyń ishindegi nárestede damý aqaýy anyqtaldy.
Prenataldy konsılıým ishtegi náresteniń qýyǵyn jatyrishilik drenajdaý qajettiligi týraly sheshim qabyldady. Bul ókpe gıpoplazııasynyń aldyn alý jáne týylmaǵan balada búırektiń qalypty jumysyn saqtaý úshin qajet. Ota sátti ótti.
Nárestelik hırýrgııa jańa týǵan nárestelerdiń ólimi men múgedektiginiń aldyn alý úshin jatyrishilik otalar men ınvazııalyq aralasýlardan turatyn medısınadaǵy jańa baǵyt bolyp tabylady. Osyndaı prosedýralar álemniń jetekshi medısınalyq ortalyqtarynda júrgiziledi. Bul jaǵdaı medısına salasyndaǵy ozyq jetistikterdi kórsetip qana qoımaı, Qazaqstannyń álemdik standarttarǵa belsendi qadam basyp kele jatqanyn kórsetedi. Ota joǵary deńgeıde sheberlik tanytqan mamandar tobynyń úılesimdi jumysynyń arqasynda múmkin boldy.
Bıologııa pániniń muǵalimi Nıkkı Mınajdyń saýnd-prodıýseri boldy
Abaı atyndaǵy mamandandyrylǵan mektep-gımnazııa-ınternatynda qyzmet etetin Abaı oblysynyń jas pedagog-bıology E.Sadýhanov ustazdyq qyzmetin súıikti isimen ushtastyrýda. Mýzyka áleminde Teaholic retinde tanymal ol Blackpink tobynan Dýa Lıpa, Rosalia jáne Lisa sekildi halyqaralyq juldyzdarmen jumys istegen. Jaqynda E.Sadýhanov áıgili amerıkalyq rep oryndaýshy Nıkkı Mınajdyń saýnd-prodıýseri bolǵany týraly keremet jańalyǵymen bólisti. Ol qoǵam aldyndaǵy joǵary jaýapkershilik pen óz isine adaldyqtyń úlgisi bola bildi.
Anar Býrasheva Everestti baǵyndyrǵan tuńǵysh qazaq áıeli
12 mamyrda Nepal ýaqyty boıynsha saǵat 07:25-te alpınıst Anar Býrasheva alpınıster komandasymen birge Kazakh Everest Team sporttyq-patrıottyq ekspedısııasy aıasynda Everestke shyqty. Anar Býrasheva shyńǵa shyǵýyn Uly Otan soǵysynyń batyrlary Saǵadat Nurmaǵambetov, Raqymjan Qoshqarbaev jáne Álııa Moldaǵulovaǵa arnady.
Qol-aıaǵy joq qaraǵandylyq Býrabaıdy júzip ótti
26 jastaǵy qaraǵandylyq paralımpıadashy bir qoly men aıaǵy bolmasa da, Qazaqstan tarıhynda alǵash ret Býrabaı kólinen júzip ótip, tańǵajaıyp júzýdi kórsetti. Paralımpıadashy osy júzý arqyly búkil álemge bizdiń tabıǵı ǵajaıybymyz – Býrabaıdy kórsetip, parasportty elimizde jáne álemde nasıhattaǵysy kelgenin atap ótti.
