Qyzmetkerler men volonterlerdiń erligi men kásipqoılyǵynyń arqasynda adam ómirin saqtaý men múlikti qorǵaý boıynsha baǵa jetpes kómek kórsetildi.
Ásirese, sý tasqynynan keıin de júrgizilgen is-sharalar mańyzdy boldy, sonyń arqasynda buzylǵan úıler tez qalpyna keltirilip, tabıǵat kúshteri qıratqan úılerdiń ornyna jańa turǵyn úıler salyndy, sondaı-aq aýmaqtardy qoqystan tazartý boıynsha «Taza Qazaqstan» aýqymdy tazartý aksııasy ótkizildi.
Naqtylaı aıtqanda, sý tasqynynan keıin elimizde 2500-den astam úı salyndy. Onyń ishinde, Batys Qazaqstan oblysynda 823 úı turǵyzyldy. (Oral qalasy – 423, Qaratóbe aýdany – 90, Bórli aýdany – 60, Báıterek aýdany – 6, Terekti aýdany – 130, Syrym aýdany – 114). Oblystyń shalǵaı aýdandarynda ornalasqan eldi mekenderde qurylys jumystary qyrkúıek aıynyń basynda aıaqtalǵanyn atap ótý kerek. Qalǵan 66 úıdiń qurylysy qyrkúıek aıynyń sońyna aıaqtalǵan. Soltústik Qazaqstan oblysy Petropavl qalasynda 700 úı salyndy. О́ńirde alǵash ret temir-beton konstrýksııadan jedel turǵyzylatyn 300 úı boı kóterdi. Bul – zamanaýı jyldam qurylys tehnologııasy men Qazaqstan temir joly tarapynan logıstıkalyq qoldaýynyń aıqyn kórinisi. Aqtóbe oblysynda zardap shekkender úshin 500 úı turǵyzyldy.
Alaıda Yrǵyz aýdanynda qurylys jumystary qıyn ótken. Nura aýylynyń turǵandary kelisim boıynsha jańa jerge kóshirilip, jańadan turǵyzylǵan ınfraqurylymmen tolyq qamtamasyz etildi. Qostanaı oblysynda 153 úı salyndy (Arqalyq – 50, Amangeldi aýdany – 27, Jangeldın aýdany – 41, Qostanaı aýdany – 21, Qostanaı qalasy – 14). Bul óńir, eldi mekenderdiń bir-birinen alystyǵyna qaramastan, zardap shekken azamattardy birinshi qyrkúıekke deıin turǵyn úımen qamtamasyz etti. Mysaly, Qostanaı qalasynan 700 km qashyqtyqta ornalasqan Jangeldın aýdanynyń Kólqamys aýylynda 19 úı salyndy. Aqmola oblysynda 292 úı turǵyzyldy (Atbasar – 165, Bulandy aýdany – 76, Esil aýdany – 21, Jarqaıyn aýdany - 30).
Atyraý oblysy Qulsary qalasynda 100 úıdiń qurylysy aıaqtaldy. Pavlodar jáne Ulytaý oblystarynda 8 úı salyndy.
«Jalpy, sý tasqyny bolǵan kezeńde ortalyq memlekettik organdardyń jedel ózara is-qımylyn atap ótken jón. Qurylys materıaldaryn der kezinde jetkizý maqsatynda logıstıka máselelerin jedel sheshýdegi Kólik mınıstrligi jáne Qazaqstan temir jolynyń atqarǵan róli zor. Qurylys jumystary barysynda otandyq taýarlardyń keńinen qoldanylǵanyn atap ótkim keledi. Sondaı-aq otandyq óndirýshiler kezek pen qashyqtyqqa qaramastan qajetti materıaldardy jedel jóneltýge belsendi atsalysty. Sonymen qatar ákimdikter men ortalyq memlekettik organdardyń úılestirýi nátıjesinde eńbek jáne materıaldyq-tehnıka resýrstary barynsha tartyldy», deıdi О́nerkásip jáne qurylys mınıstri Qanat Sharlapaev.
Búgingi tańda sý tasqynynan zardap shekken otbasylarǵa barlyq qajetti kómek kórsetilip, úıinen aıyrylǵandar jańa baspananyń kiltine ıe boldy.
Taǵy da aıta keterligi, bıyl sý tasqyny 120 myńnan astam adamnyń ómirine áser etti. Memleket tarapynan olarǵa barlyq qajetti kómek kórsetildi – baspanasyz qalǵandar úshin evakýasııalyq pýnktter uıymdastyryldy. 34 myńnan astam adam 12,6 mlrd teńgege 100 aılyq eseptik kórsetkish kóleminde birjolǵy tólem aldy. Budan basqa, shamamen 10 mlrd teńge kóleminde 150 aılyq eseptik kórsetkish esebinde 21 880 otbasyna keltirilgen materıaldyq zalal óteldi.
Úkimet basshysynyń orynbasary Qanat Bozymbaevtyń dereginshe, shaǵyn jáne orta bıznestiń shyǵyndaryn óteý qaǵıdalarynyń qoldanylý merzimi 2025 jyldyń sáýirine deıin uzartylady.
«Agroónerkásiptik keshen sýbektilerine joıylǵan daqyldary men ólgen a/sh janýarlarynyń ıelerine shyǵyndy óteý úshin shamamen 3,15 mlrd teńge bólindi. Jalǵyz baspana bolyp eseptelgen 17,6 myńǵa jýyq úı men saıajaı qurylystary sý astynda qaldy. Táýelsiz baǵalaý kompanııalary men komıssııalardyń júrgizgen zertteýi negizinde 9156 úı jóndeýge jaramdy, al 8447 úı apatty dep tanyldy», dedi vıse-premer.
