Jıynǵa Abai University-niń Basqarma Tóraǵasy-Rektor Bolat Tilep moderator retinde júrgizip otyrdy. Vedmostva basshysy jıynda 2023-2029 jyldarǵa arnalǵan mınıstrliktiń strategııalyq damý josparyn jetkizdi. Atqarylyp jatqan jumystarǵa toqtaldy.
«Joǵary bilimge qatysty biz 8 úlken baǵytpen bastadyq jumysymyzdy. Negizgi kúsh ol demografııa. Bıyl 30 myńǵa, byltyrǵymen salystyrǵanda mektep bitirýshiler kóbirek tapsyrady UBT-ny joǵary oqý ornyna. Qazirdiń ózinde 200 myńǵa jýyq stýdent tirkeldi qańtarda. Soǵan daıyndalyp jatyrmyz qazir. Sondyqtanda 8 baǵyttyń keminde tórteýi demografııalyq tolqynǵa daıyndyq retinde berilgen. Sonyń ishinde qoljetimdilik, ınfraqurylym, sıfrlandyrý, keńistigimizdi ashý ári sheteldik ýnıversıtetterdi jáne sheteldik ınvestorlardy shaqyrý», dedi Saıasat Nurbek.
Mınıstr kezdesýde 8 baǵyttyń ishindegi qoljetimdilikke úlken mán berilip otyrǵandyǵyn basa aıtty. Ásirese grant sanyn kóbeıtý jaıyna kóbirek kóńil bólinip otyrǵandyǵyn jetkizdi. Mysaly byltyrǵy jyly 94 myńǵa jýyq grant bólingen. Onyń 78 baklavrıatqa bólingen. Al kelesi jańa oqý jylynda 104 myńǵa jýyq grant bólinetin bolady. Jyldan-jylǵa memlekettik tapsyrys kólemi artyp keledi.
«Degenmen bul máseleni sheshpeıdi. Qosymsha 4 tetik quraldy iske qosyp jatyrmyz grantpen birge. «Keleshek» atty biryńǵaı erikti jınaqtaýshy júıeni kelesi jyldan bastaımyz. Atalǵan júıe sheńberinde balaǵa arnaıy shot ashýǵa bolady, oǵan memleket 60 AEK mólsherinde (5 jastaǵy balalarǵa) bilim alýǵa bastapqy kapıtal salady. Budan ári oǵan ata-analardyń erikti jarnalary, 5-7% mólsherinde jyl saıynǵy memlekettik syıaqy jáne ınvestısııalyq tabys esebinen qarajat jınaqtalady. "Keleshek" erikti jınaqtaý júıesin engizý máselesi qazaqstandyq otbasylardyń barlyǵyna qatysty», dedi mınıstr.
Basqosýda Saıasat Nurbek Ǵylym jáne joǵary bilim mınıstrligi qazir qarjy syıymdylyǵyn arttyrýǵa basa mán berip otyrǵandyǵyn baıandady. Sondaı-aq ǵylym salasyna bólinetin qarjyny ulǵaıtý, bedeldi sheteldik ýnıversıtetterdiń fılıaldaryn ashý, otandyq ýnıversıtetterge jasandy ıntelekt baǵdarlamasyn engizý jaıy da aıtyldy.
Mınıstr taǵy bir baǵyt elimizdegi ýnıversıtetterde qytaı tilinde oqytý jaıy basty nazarda ekendigin taǵy bir atap ótti. Qazirgi tańda Qytaı ýnıversıtetterimen 241 kelisim jasalyp, bilim berý jáne ǵylymı zertteýler salasynda kóptegen jobalar júzege asyrylyp jatyr. Maqsat - Qytaı jáne Qazaqstan arasynda stýdenttermen almasý baǵdarlamalaryn keńeıtý, qosymsha ǵylymı-zertteý jobalaryn iske asyrý, oqytýshylar men ǵylymı qyzmetkerlerdi almastyrýdy uıymdastyrý, jańa birlesken oqý baǵdarlamalaryn ázirleý jáne olardy iske qosý.
Esterińizge sala keteıik, Abaı atyndaǵy Qazaq ulttyq pedagogıkalyq ýnıversıtetiniń Fılologııa fakýltetinde «Qytaı tili jáne qytaıtaný» kafedrasy ashylǵan bolatyn. «Qytaı tili jáne qytaıtaný» kafedrasyn ashýdyń maqsaty - tildik jáne mádenı quzyrettilikterdi jetildirý arqyly eki el arasyndaǵy baılanysty nyǵaıtý, qosdıplomdyq bilim berý negizinde oqytý, akademııalyq utqyrlyq máselesin jolǵa qoıý, qytaı ýnıversıtetterimen, ǵylymı-zertteý ortalyqtarymen yntymaqtastyq ornatý.
