Foto: Aýylsharýashylyǵy mınıstrligi
Alqaptardaǵy shegirtkeni joıýǵa respýblıkalyq bıýdjetten 4,2 mlrd.teńge, al Úkimet rezervinen 3,9 mlrd. teńge bólingen.
Jaýapty mınıstrlik málimetinshe, ýaqytyly atqarylǵan jumystar nátıjesinde daqyldardyń zaqymdalýyna, kórshi memleketterdiń aýmaǵynda shegirtkelerdiń kóshi-qonyna jol berilmegen.
Osy baǵyttaǵy qorǵanys sharalaryna 2500-den astam adam qatysyp, 427 búrikkish tehnıka jumyldyrylǵan.
Pestısıdter men hımııalyq óńdeý qyzmetterin memlekettik satyp alý kezinde Úkimet rezervinen qarajat esebinen 694,78 mln. teńge kóleminde únemdelgen.
Únemdelgen qarjyǵa 7 zertteý drony, 46 hımııalyq óńdeý drony jáne 38 avtomobıl satyp alynǵan.
Bul tehnıkalar shegirtkelerdiń damýy men taralýyn baqylap, dástúrli búrký ádisterin atqarý múmkin emes jerlerde hımııalyq óńdeý úshin qoldanylmaq.
