Foto: Lee Young-ju/Maeng Dae-hwan/AP Photo
Yonhap agenttiginiń habarlaýynsha, Jeju Air áýe kompanııasynyń Boeing 737-800 jolaýshylar ushaǵy ushý-qoný jolaǵynan shyǵyp ketip, qorshaýǵa soǵylǵan.
Aldyn ala málimet boıynsha, apat qustar soǵylǵan shassıdegi aqaý saldarynan bolǵan.
Bastapqyda 47, artynsha 62 adamnyń tiri qalǵany týraly aqparat taraǵan. Alaıda sońǵy derekterge sáıkes, tek 2 adamnyń aman qalǵany belgili boldy.
«Sońǵy málimet boıynsha, 179 adam qaza tapty. Bortta barlyǵy 175 jolaýshy men 6 ekıpaj múshesi bolǵan. Jolaýshylar arasynda 173 koreı jáne 2 Taıland azamaty bolǵan. Kem degende eki adam aman qaldy», delingen agenttik habarlamasynda.
Aıta keterligi, Bangkoktan ushyp shyqqan ushaq jergilikti ýaqyt boıynsha 08:30-da qonýy tıis edi. Aldyn ala málimetter boıynsha, shassıdiń durys jumys istemeýine baılanysty ushaq fıýzelıajǵa qonýǵa árekettengen, biraq ushqyshtar ushý-qoný jolaǵynyń sońyna deıin jyldamdyǵyn tómendete almaı, sońynda qorshaýǵa soǵylǵan. Saldarynan ushaq janyp ketken.
